गुन्हे जगत

पोलीस ठाण्याच्या हद्दीत हुक्का पार्लर सुरू असल्यास वरिष्ठ पोलीस अधिकारी जबाबदार! – गृहमंत्री अनिल देशमुख

प्रतिनिधी: अवधुत सावंत

राज्यात ज्या पोलीस ठाण्याच्या हद्दीत हुक्का पार्लर सुरू असेल, तेथील संबंधित वरिष्ठ पोलीस अधिकाऱ्याला जबाबदार धरून त्यांच्यावर कडक कारवाई करण्यात येईल, असे गृहमंत्री अनिल देशमुख यांनी विधान परिषदेत सांगितले.

आमदार रवींद्र फाटक, महादेव जानकर यांनी यासंदर्भात प्रश्न उपस्थित केला होता.
राज्यात ज्या ठिकाणी अंमली पदार्थाची खरेदी-विक्री होत असेल, त्या ठिकाणी दोषींवर कडक कारवाई करण्याच्या सूचना देण्यात आलेल्या आहेत असे सांगून गृहमंत्री अनिल देशमुख म्हणाले की, ठाणे जिल्ह्य़ात अमली पदार्थविरोधी पथकाने ११ ठिकाणी छापे टाकून ४२ लोकांवर कारवाई केली आहे.
वरळी येथील पबमध्ये झालेली गर्दी व करोनाच्या नियमांचे झालेले उल्लंघन याबाबत दोन दिवसांत चौकशी करण्यात येईल व त्याचा अहवाल आल्यावर योग्य ती कारवाई करण्यात येईल, असे गृहमंत्र्यांनी सांगितले.

गृहमंत्र्यांनी दिलेल्या आदेशानुसार मिरा भाईंदर, वसई-विरार पोलीस आयुक्तालयाच्या हद्दीत असलेल्या मिरारोडच्या1कानांकिया परिसरात सुरू असलेल्या शिशा लॉंज या हुक्का पार्लरवर पोलीस उपायुक्त अमित काळे यांच्यासह सहायक पोलीस निरीक्षक दत्ता लोंडे व त्यांच्या सहकाऱ्यांच्या पथकाने धाड टाकून एकूण 11 ग्राहक, 06 काम करणारे यांना अटक करण्यात आली आहे तर 14 हुक्का जप्त केले आहेत.

हुक्का पार्लरवर कारवाई केली जात असली तरी महामार्गावर असलेल्या हॉटेल्समध्ये आणि शहरातील अनेक मोठ्या गिफ्ट शॉप, जनरल स्टोअर्स शा दुकानातून पेन हुक्का, इलेक्ट्रिक हुक्का व हुक्क्याचे साहित्य सर्रासपणे विक्रीसाठी ठेवले जात असून ते सामान्य जनते सोबतच अल्पवयीन मुलांना सहज उपलब्ध होत आहे त्यावर देखील पोलीस कारवाई करणार का? असा सवाल आता उपस्थित केला जात आहे.

Share :

One Reply to “पोलीस ठाण्याच्या हद्दीत हुक्का पार्लर सुरू असल्यास वरिष्ठ पोलीस अधिकारी जबाबदार! – गृहमंत्री अनिल देशमुख

  1. काट ई जकात नाक्यावरील सर्व अडचणी काढून रस्ता खुडोकला करा . Infra structure सह .

Leave a Reply

Your email address will not be published. Required fields are marked *