संपादक: मोईन सय्यद/ मुंबई प्रतिनिधी
मुंबई: दैनिक सकाळ व दैनिक पुढारीचे पत्रकार, प्रसिद्ध समाजसेवक निसार अली सय्यद यांना राज्यस्तरीय कोरोना योद्धा पत्रकार पुरस्कार घोषित करण्यात आला आहे. हा पुरस्कार दिनांक 15 व 16 नोव्हेंबर रोजी, अकोला अंत्री येथे होणाऱ्या ऑल जर्नलिस्ट अँड फ्रेंड्स सर्कल या एकमेव पत्रकार मित्र संघटनेच्या वतीने 15 व्या वार्षिक संमेलनात मान्यवरांच्या हस्ते देण्यात येणार आहे.
मुंबई शहरात कोरोनाचा प्रादुर्भाव अधिक असताना केलेल्या पत्रकारिता क्षेत्रात तसेच सामाजिक क्षेत्रात निसार अली सय्यद यांनी आपल्या जीवाची पर्वा न करता लोकांची सेवा तर केलीच त्याच बरोबर पत्रकारितेत देखील उल्लेखनीय कार्य केले आहे. सामाजिक क्षेत्रात त्यांनी केलेल्या या भरीव योगदानाबद्दल त्यांना ‘कोरोना योद्धा पत्रकार’ हा पुरस्कार देण्यात येत असल्याची माहिती एजेएफसी चे केंद्रीय अध्यक्ष यासिन पटेल तसेच प्रदेशाध्यक्ष अजिंक्य गोवेकर यांनी दिली आहे. यापूर्वी देखील पत्रकार निसार अली यांना पत्रकारिता आणि सामाजिक क्षेत्रात भरीव योगदाना करिता विविध पुरस्काराने सन्मानित करण्यात आले आहे.
निसार अली सय्यद यांना कोरोना योद्धा पत्रकार म्हणून राज्यस्तरीय पुरस्काराने गौरविण्यात येणार असल्याचे वृत्त समजताच अनेक मान्यवरांनी त्यांना शुभेच्छा दिल्या असून समाजातील सर्व स्तरातून त्यांचे अभिनंदन करण्यात येत आहे.
