मुंबई, प्रतिनिधी : कोरोना व या साथरोगाचा प्रादुर्भाव नियंत्रणात आणण्यासाठी देशात मोठ्या प्रमाणावर प्रयत्न सुरू आहेत. कोरोना विषाणूला समूळ नष्ट करण्यासाठी पूर्ण भारतात लसीकरण मोहीम सुरू केली आहे. देशव्यापी कविड-19 लीकरण मोहीम मंतप्रधानांच्या हस्ते आज शनिवारी 16 जानेवारी 2021 पसून सुरू करण्यात आली आहे. मीरा भाईंदर शहरात देखील आज पासून कोविड-19 च्या लसीकरणाला सुरुवात झाली असून शासनाकडून पहिल्या टप्प्या करीता एकूण 8000 लसी उपलब्ध करून देण्यात आलेल्या आहेत.
लसीकरण महिमेत करिता शहरात एकूण तीन ठिकाणी केंद्र उभारण्यात आले आहेत, भाईंदर पश्चिमेकडे टेम्बा हॉस्पिटल, पूर्वेकडे स्व बाळासाहेब ठाकरे उद्यान येथील जम्बो कोविड सेंटर सोबतच मीराड येथील येथील वोकहार्ट हॉस्पिटलने या कोरोनाच्या लसीकरण मोहिमेत सहभाग घेतला आहे.
वोकहार्ट हॉस्पिटलचे विभाग प्रमुख डॉ पंकज धमीजा यांनी दिलेल्या माहितीनुसार पहिल्या टप्प्यात मीरा भाईंदर महानगरपालिकेचे आरोग्य विभागातील कर्मचारी व अधिकारी आणि खाजगी क्षेत्रातील वैद्यकीय सेवा देणारे डॉक्टर, नर्सेस यांचे लसीकरण करण्यात येणार आहे. प्रत्येक दिवशी अंदाजे शंभर लोकांना ही लस देण्यात येणार असून पहिला टप्पा पूर्ण झाल्या नंतर दुसऱ्या टप्प्यात फ्रंट लाईन कोरोना वोरियर्स म्हणजेच महानगरपालिकेचे इतर कर्मचारी, पोलिस विभागातील कर्मचारी-अधिकारी व इतर शासकीय अधिकारी व कर्मचारी यांचे लसीकरण केले जाणार आहे. यावेळी आपली प्रतिक्रिया देताना डॉ पंकज धामिजा म्हणाले की, लसीकरणाच्या बातमीने लोकांना नक्कीच आशा मिळाली आहे. वोकहार्ट हॉस्पिटल, मीरारोड या लसीकरण मोहिमेचा एक भाग असल्याचा आम्हाला अभिमान आहे आणि रुग्णांच्या आरोग्यासाठी चोवीस तास कार्य करण्यासाठी आम्ही वचनबद्ध आहोत.
केंद्र सरकारच्या मार्गदर्शना नुसार तीन टप्प्यात लसीकरण करण्यात येणार आहे. पहिल्या टप्प्यात आरोग्य कर्मचारी, दुसऱ्या टप्प्यात क्षेत्रीय आघाडीवर काम करणारे स्वच्छता कर्मचारी व कामगार, पोलीस आदी. त्यानंतर तिसरऱ्या टप्प्यात 50 वर्षावरील सर्व नागरिक तसेच 50 वर्षाखालील सहव्याधी (मधुमेह, उच्च रक्तदाब इत्यादी) असणारे नागरिक यांना लसीकरण करण्यात येणार आहे.
एकूणच बहू प्रतिक्षित असलेल्या कोरोनाच्या या लसीचे आगमन झाल्या नंतर देशातील नागरिकांनी समाधान व्यक्त केले असून आता देशातून कोरोना ह्या साथ रोगाचे समूळ उच्चाटन होईल अशी अपेक्षा व्यक्त केली जात आहे.