संपादक: मोईन सय्यद / प्रतिनिधी: अवधुत सावंत
मुलीच्या अज्ञानपणाचा गैरफायदा घेवुन आरोपी नामे आकाश संजय शिलावट राहणार नाशिक रोड, नाशिक याने तिच्याकडुन सुमारे १२.५० तोळे सोन्याचे दागिने घेतले. याबाबत अशोक चिमाजी ठाकरे वय ४२, राहणार रूम नं ०३, ए-बालाजी अपार्टमेंट महालक्ष्मीनगर, अंबड, नाशिक यांनी दिलेल्या फिर्यादीवरून अंबड पोलीस ठाण्यात भादवि कलम ४०६ प्रमाणे गुन्हा दाखल करण्यात आला होता. गुन्हयातील आरोपी आकाश संजय शिलावट राहणार नाशिक रोड याचेकडुन १२.५ तोळे सोने त्याची एकूण किंमत ६,००,०००/- जप्त करण्यात आलेले आहे.
अजून एका घटनेत आनंद गोविंद रायकलाल वय ६२, राहणार रोहान १८, वाईड आर्केड, तिडके कॉलनी, अंबड, नाशिक यांचे राहते घरात १६ ऑगस्ट रोजी रात्री ००:४५ वा चे दरम्यान घराचा दरवाजा अज्ञात चोरट्यांनी कशाने तरी दरवाजाचे लॉक तोडून आत प्रवेश करून कोणी तरी अज्ञात चोरट्याने घरातील ३२ तोळे सोन्याचे दागिने चोरून नेले होते. अंबड पोलीस ठाण्यात या प्रकरणी भादवि कलम ३८०, ४५७ प्रमाणे घरफोडीचा गुन्हा दाखल करण्यात आला होता. घरफोडीतील अज्ञात आरोपीबाबत पोलीस उमाकांत टिळेकर, योगेश शिरसाट यांना मिळालेल्या गोपनिय माहितीच्या आधारे सहाय्यक पोलीस निरीक्षक गणेश शिंदे, सहाय्यक पोलिस निरीक्षक वसंत खतेले, पोलीस उप-निरीक्षक संदिप पवार, मुकेश गांगुर्डे, संदिप भुरे, प्रविण राठोड, तुळशीराम जाधव, किरण सोनवणे, किरण गायकवाड, हेमंत आहेर, राकेश राऊत, वाघचौरे, जर्नादन ढाकणे, प्रशांत नागरे, मोतीराम वाघ यांनी मिळून सापळा रचुन घरफोडीतील आरोपी ताब्यात घेवुन गुन्हा उघड केला.
घरफोडी करणारे आरोपी अदाय उत्तम जाधव (वय: २६ वर्षे) राहणार. दत्तनगर अंबड नाशिक, संदिप सुधाकर अल्हाट वय २४ राहणार. कांबळे वाडी, भिमनगर, सातपुर नाशिक, बाबासाहेब गौतम पाईकराव (वय: २८ वर्षे), राहणार. कांबळेवाडी, सातपुर, नाशिक, विकास प्रकाश कंकाळ (वय: २१ वर्षे), राहणार. कांबळेवाडी, सातपुर, नाशिक यांचेकडुन १६,००,०००/- रूपयांचे किंमतीचे घरफोडीचे गुन्हयातील ३२ तोळे सोने व सोने विक्री करून त्यामोबदल्यात प्राप्त ६,५०,०००/- रुपये रोख रक्कम जप्त करण्यात आलेली आहे.
पोलीस आयुक्त जयंत नाईकनवरे, पोलीस उप-आयुक्त विजय खरात, वरीष्ठ पोलिस निरीक्षक श्रीकांत निर्वाळकर यांच्या मार्गर्शनाखाली गुन्हयाचा पुढील तपास सहाय्यक पोलिस निरीक्षक खतेले, पोलीस उपनिरीक्षक संदिप पवार, पोलीस शिपाई रंगे हे करत आहेत.
