संपादक: मोईन सय्यद / प्रतिनिधी: अवधुत सावंत
महाराष्ट्र नवनिर्माण सेनेचे अध्यक्ष राज ठाकरे यांच्यासह मनसे नेते अविनाश जाधव आणि रविंद्र मोरे यांच्यावर भारतीय हत्यार कायद्यानुसार ठाण्यातील नौपाडा पोलीस ठाण्यात गुन्हा दाखल करण्यात आला. ठाण्यामध्ये मंगळवारी झालेल्या सभेत तलवार दाखवल्याप्रकरणी हा गुन्हा दाखल करण्यात आल्याची माहिती पोलीसांनी दिली.
१२ एप्रिल रोजी ठाण्यातील गडकरी चौक येथे महाराष्ट्र नवनिर्माण सेनेच्या वतीने उत्तर सभेचे आयोजन करण्यात आले होते. या सभेत राज ठाकरे यांनी तलवार दाखवली.
या प्रकरणी त्यांच्यावर भा.द.वि कलम ३४ सह भारतीय हत्यार कायदा १९५९ चे कलम ४ आणि २५ अन्वये अध्यक्ष मनसे राज ठाकरे, ठाणे आणि पालघर जिल्हा मनसे जिल्हा अध्यक्ष अविनाश अनंत जाधव आणि मनसे ठाणे शहर अध्यक्ष रविंद्र मोरे आणि इतर सात ते आठ जणांविरुद्ध गुन्हा दाखल करण्यात आल्याचे पोलीसांनी प्रसिद्धी माध्यमांना सांगितले.