अवधुत सावंत, प्रतिनिधी : राज्यातील कोरोना रुग्णांची संख्या चिंता वाढवणारी आहे. दरम्यान MPSC ची परीक्षा अनेक वेळा पुढे ढकलण्यात आली होती, मात्र राज्यातील विद्यार्थ्यांनी याबाबत राज्य सरकारचा निषेध करीत आंदोलन पुकारलं होतं. त्यानंतर २१ मार्च रोजी महाराष्ट्र लोकसेवा आयोगाची परीक्षा घेण्यात येणार आहे.
दरम्यान एक महत्त्वाची मात्र अजब बातमी समोर आली आहे
कोरोनाचा प्रादुर्भाव बळावू नये यासाठी विद्यार्थ्यांना बेसिक किट घालून परीक्षा द्यावी लागणार आहे. आयोगाच्या या निर्णयावर अनेकांनी आश्चर्य व्यक्त केलं आहे. सकाळ आणि दुपार अशा दोन सत्रात होणाऱ्या परीक्षांसाठी विद्यार्थ्यांना दोन किट दिले जाणार आहे. किटमध्ये नेमकं काय असेल या बाबत अद्याप कोणीतही माहिती मिळू शकलेली नाही.
