मिरा भाईंदर, प्रतिनिधी: मिरा भाईंदर शहरातील भाईंदर पश्चिमेकडील उत्तन भाटेबंदर येथे अत्यंत दुर्मिळ मानला जाणारा वाघ्या जातीचा पाकट मासा मच्छिमारांच्या गळाला लागला असून त्यांचे वजन तब्बल 100 किलो एव्हढे असल्याचे बोलले जात आहे.
उत्तनच्या भाटे बंदर येथील एका इंजिन नसलेली लहान बोट जी फक्त वल्ले मारून खडकामद्ये मिळणारी #lobster (शिवंड) पकडण्यासाठी समुद किनाऱ्या पासून अर्ध्या ऐक तास अंतरावर सकाळी ६ वाजता जाते आणि 9 वाजता परत येते. या लहान बोटीतून समुद्रामध्ये ज्या ठिकाणी उथळ पाणी आणि चिखल असतो अशा ठिकाणी गळ टाकून मासेमारी केली जाते. त्या मच्छिमारांच्या गळाला हा भला मोठा वाघ्या जातीचा पाकट मासा लागला आहे.
ज्या बोटीतून हे मच्छिमार गेले त्या बोटीचे नाव एकवीरा आई आहे तर बोटीच्या मालकाचे नाव सुनील असून तो आणि त्याचा भाऊ हे दोघे दोन दिवसांपूर्वी सकाळी मच्छीमारीसाठी गेले असताना त्यांना हा दुर्मिळ पाकट मासा गळाला लागला.
वाघ्या पाकट हा क्वचित सापडणारा मासा आहे. त्याचा रंग गडद तांबडा असतो आणि त्याच्या अंगावर वाघाच्या कातडी सारखी आकृती असते म्हणून त्याला स्थानिक मच्छीमारांच्या भाषेत वाघ्या पाकट बोलले जाते. या माशाचे वजन जवळपास 100 किलो असल्याचे बोलले जात आहे तर बाजार भावानुसार त्याची किंमत अंदाजे पाच ते सात हजार भरेल असे बोलले जात आहे.
उत्तनच्या समुद्रात कमी खोलीच्या पाण्यात पहिल्यांदाच हा वाघ्या पाकट जातीचा आणि जवळपास 100 किलो वजनाचा हा दुर्मिळ मासा मच्छीमारांच्या गळाला लागल्यामुळे परिसरात चर्चेचा विषय ठरला आहे.
