संपादक: मोईन सय्यद / प्रतिनिधी: अवधुत सावंत
ठाकुर्ली पूर्व विभागातील रेल्वे स्टेशन लगतचा सरकत्या जिन्याचा लोकार्पण सोहळा शिवसेना डोंबिवली शहर प्रमुख राजेश गोवर्धन मोरे यांच्या शुभहस्ते संपन्न झाला. सदर लोकार्पण सोहळ्याच्या कार्यक्रमात उपरोक्त पदाधिकारी आणि कार्यकर्त्यांसह स्थानिक विभाग प्रमुख श्री.समीर कवडे देखील उपस्थित होते. उपशहर प्रमुख माननीय श्री.दीपक उर्फ बंड्या भोसले, शहर संघटक श्री.ज्ञानेश पवार, श्री.प्रकाश सागरे, उप कार्यालय प्रमुख श्री.शैलेंद्र भोजने, डोंबिवली पूर्व विभाग महिला आघाडीच्या अध्यक्षा सौ.स्वातीताई हिरवे, महिला उपशहर संघटक सौ.कल्याणी ताई वर्तक, खासदार रेल्वे समन्वय समितीच्या अध्यक्षा सौ.स्वातीताई मोहिते, शिवसेना झोपडपट्टी महासंघाचे अध्यक्ष माननीय श्री.हरिश्चंद्र कांबळे, शिवसैनिक श्री.मनोहर शिंदे, शाखाप्रमुख श्री.अर्जुन भाटी, कार्यालय प्रमुख श्री.प्रकाश शांताराम माने, स्टेशन मास्तर श्री.पिंटो साहेब, आरपीएफ विभागाचे अधिकारी कर्मचारी तसेच रेल्वे विभागाचे अनेक कर्मचारी आणि अनेक शिवसैनिक व ठाकूर्ली विभागातील नागरिक आनंदाने सहभागी झाले होते.
ठाकूर्ली येथील नागरिकांची बऱ्याच वर्षाची मागणी शिवसेनेच्या स्थानिक पदाधिकारी आणि शिवसैनिकांनी कल्याण लोकसभा मतदारसंघाचे लोकप्रिय कार्यसम्राट खासदार डॉक्टर श्रीकांत शिंदे यांच्या कानावर घातल्यानंतर खासदार यांनी त्वरित रेल्वे प्रशासनाशी पाठपुरावा करून ठाकुर्ली पूर्व विभागातील नागरिकांसाठी सरकत्या जिन्याचा प्रस्ताव मंजूर करून घेतला.
या लोकार्पण सोहळ्याच्या निमित्ताने पदाधिकारी कार्यकर्त्यांनी रेल्वे अधिकारी, कर्मचारी आणि रेल्वे प्रवाशांना पेढे वाटून आनंद व्यक्त केला तर “छत्रपती शिवाजी महाराज की जय”, महामानव डॉक्टर बाबासाहेब आंबेडकरांचा विजय असो, खासदार डॉक्टर श्रीकांत शिंदे साहेब आगे बढो, मुख्यमंत्री एकनाथ शिंदे साहेबांचा विजय असो” अशा घोषणा देऊन ठाकुर्ली स्टेशनचा परिसर उपस्थितांनी दणाणून सोडला.
