संपादक: मोईन सय्यद / प्रतिनिधी: अवधुत सावंत
शैक्षणिक सायकल स्वारी ह्या मथळ्याची बातमी ८ ऑगस्ट रोजी ‘महाराष्ट्र टाईम्स’ मध्ये छापून आली होती, त्याला समाजातील दानशूर व्यक्तींचा उत्तम पाठिंबा मिळाला. पेण येथील ‘सूहित जीवन ट्रस्ट’ शाळेतील मतिमंद मुलांच्या शाळेत वरीलपैकी ५ सायकल २४ सप्टेंबर रोजी सुपूर्द करण्यात येणार आहेत. ह्यावेळी शाळेच्या साफसफाई करीता लागणारे वर्षभराचे साहित्य देखील शाळेच्या स्वाधीन करण्यात येईल. सदर मतिमंद मुलांच्या एका वर्षाकरिता शालेय पोषण आहारासाठी आवश्यक असलेले ८०० किलो तांदूळ, २५० किलो गहू ह्यासह सर्व प्रकारच्या डाळी, साखर, कडधान्य, तेल, तिखट- मीठ मिळून अंदाजे २१०० किलो अन्न धान्याची आवश्यकता आहे.
सदर धान्यांची पूर्तता ‘टीम आम्ही गिरगांवकर’ तर्फे करण्याचा प्रयत्न करणार आहे, तसेच ह्या सत्पात्री शैक्षणिक कार्यात अन्नधान्याची किंवा इतर स्वरूपात मदत करण्याची ईच्छा असेल त्यांनी खालील क्रमांकावर संपर्क साधावा, असे आवाहन ‘टीम आम्ही गिरगांवकर’ तर्फे संस्थेच्या मार्फत करण्यात आले आहे.
संपर्क:-
मिलिंद वेदपाठक:- ९८२०७९५५८०
शिल्पा नायक:- ९८३३४३०१९४
दिपक राजपुरकर:- ८३६९८३०३८४
