सपादक: मोईन सय्यद / प्रतिनिधी: अवधुत सावंत
रोटरी क्लब ऑफ डोंबिवली डायमंड्स च्या अध्यक्षपदी २०२२-२३ ह्या वर्षासाठी श्री. संजय कागदे ह्यांची निवड करण्यात आली. नुकताच त्यांचा पदग्रहण सोहळा श्रीमती मीराबाई कागदे सभागृहात पार पडला. रोटरी डिस्ट्रिक्ट ३१४२ चे डिस्ट्रिक्ट गव्हर्नर श्री. कैलास जेठानी ह्यांच्या प्रमुख उपस्थितीत हा सोहळा पार पडला.
क्लबचे नवनिर्वाचित अध्यक्ष श्री. संजय कागदे ह्यांनी पहिल्याच महिन्यात १ जुलै पासून आतापर्यंत ब्लड डोनेशन कॅम्प, डॉक्टर दिनानिमित्त महापालिकेच्या शात्रीनगर हॉस्पिटल मधील डाक्टरांचा सत्कार, तेथील हॉस्पिटल मधील महिलांना पौष्टिक पदार्थाचे वाटप, डोंबिवली मधील सर्व डबेवाल्याना मोफत रेनकोट चे वाटप, संवाद प्रबोधिनी कर्णबधिर शाळेतील ३५ विध्यार्थ्यांना वह्या व शालेय वस्तूंचे वाटप व शाळेतील शिक्षकांचा गुरु पौर्णिमा निमित्ताने सन्मान असे विविध उपक्रम राबविल्याचे सांगितले.
तसेच पुढील पूर्ण वर्षभर विविध समाज उवयोगी उपक्रम करण्याचे आश्वासन त्यानी दिले व रोटरीच्या कार्यांची माहिती सर्वसामान्य लोकांपर्यंत पोहचविण्याचा प्रयत्न करणार असल्याचे सांगितले. डिस्ट्रिक्ट गव्हर्नर कैलाश जेठानी ह्यांनी उपस्थिताना फार उत्तमप्रकारे मार्गदर्शन केले व रोटरीच्या कार्यांची माहिती दिली. या वेळी क्लबचे सर्व सभासद व डोंबिवलीतील प्रतिष्ठित व्यक्ती मोठया संख्येने हजर होते. डॉ वनिता क्षीरसागर ह्यांनी कार्यक्रमाचे सूत्रसंचालन उत्तम प्रकारे केले. रो. निलेश गोखले ह्यांनी आभार मानले.
