संपादक: मोईन सय्यद / प्रतिनिधी: अवधुत सावंत
गेल्या काही काळापासून विविध कारणांमुळे लोकांच्या टिकेचा धनी ठरत असलेला आमिर खान आता एका जाहिरातीवरून अडचणीत आला आहे. ‘लालसिंग चढ्ढा’ या चित्रपटावरून त्याच्यावर उठलेला टिकेचा धुरळा खाली बसत नाही तोवरच आता कियारा अडवाणी सोबत त्यांने नुकत्याच केलेल्या एका जाहिरातील हिंदू लग्न प्रथांमध्ये विरोधाभास दर्शवणारा प्रसंग चित्रित केल्याबद्दल त्याला ट्रोल गेले जात आहे.
फक्त ५० सेकंदांच्या एका व्यावसायिक बॅंकेच्या या जाहिरातीत आमिर खान आणि कियारा अडवाणीचे लग्न होते आणि तो घर जावई म्हणून तिच्या सोबत सासरी येतो असे दृश्य दाखवण्यात आले आहे. यावेळी धान्याने भरलेले माप ओलांडून तो सासरच्या घरी गृहप्रवेश करतो असे दाखवण्यात आले आहे. भारतीय संस्कृतीत या विधी स्त्रीया करतात त्यामुळे काही राजकीय नेत्यांनी आणि धर्मरक्षकांनी या प्रसंगावर आक्षेप घेत आमिर खानवर टिकेची झोड उठवली आहे.
मध्यप्रदेशचे गृहमंत्री नरोत्तम मिश्रा यांनी या जाहिरातीचा जोरदार निषेध केला असून आमिर खानने हिंदुंच्या रीतिरिवाजांशी खेळण्याचा प्रयत्न केला असल्याचा आरोप केला आहे. ‘द काश्मिर फाईल्स’चे दिग्दर्शक विवेक अग्निहोत्री यांनी देखील या जाहिरातीबाबत ट्विट करून प्रश्न उपस्थित केला आहे.
