प्रतिनिधी: अवधुत सावंत (डोंबिवली) – बारबालेची गळा दाबून हत्या प्रकरणी विष्णूनगर पोलीस ठाण्यात गुन्हा दाखल झाला या बातमीला २४ तास उलटत नाही तोवर कल्याण गुन्हे शाखा युनिट-३ च्या पोलिसांना आरोपीची गचांडी गुंडाळण्यात घावघवीत यश मिळाले आहे.
सविस्तर बातमी अशी की विष्णूनगर पोलीस ठाण्याच्या हद्दीत गु.रजि. नंबर ५६/२०२१ भादंविक ३०२, ४५२ प्रमाणे गुन्ह्यातील महिला नामे श्रीमती आरती अरुण सकपाळ (वय ४६ वर्षे ) राहणार बी/२, कुमार अपार्टमेंट, कोपर रोड, डोंबिवली (प) हिस तिच्या राहते घरी अज्ञात आरोपी याने अज्ञात कारणासाठी जीवे ठार मारले म्हणून आज दि.२०.०३.२०२१ रोजी गुन्हा दाखल करण्यात आला होता.
प्रस्तुत गुन्ह्याचा गुन्हे शाखा, युनिट-३ कल्याण यांचेकडून समांतर तपास करीत असताना गुन्ह्यातील अज्ञात आरोपी याचा शोध घेणे कामी घटनास्थळाला भेट देऊन व आजूबाजूच्या परिसरात तपास करत असताना साक्षीदार, तसेच मयत महिला पूर्वी काम करत असलेल्या ‘रुचिरा बार’ येथील साक्षीदार यांच्याकडे सखोल विचारपूस व चौकशी केली असता ‘रुचिरा बार’ येथे काम करणारा श्रीनिवास मडीवाल हा मयत आरती सकपाळ हिच्या परिचयाचा असून तो बारच्या स्टाफरूम मध्ये राहण्यास असल्याचे समजले. त्याप्रमाणे लागलीच रुचिरा बार येथील स्टाफरुम मध्ये जाऊन खात्री करून बरमालक व इतर स्टाफ यांच्याकडे विचारपूस करून संशयित इसम श्रीनिवास मडीवाल हा घटनेच्या रात्री तो कोठेतरी बाहेर असल्याची गुप्तरीत्या माहिती मिळाल्याने त्याआधारे त्याच्यावरच दाट संशय बळावला. त्यावरून त्याचा फोटो प्राप्त करून मयत आरती सकपाळ व श्रीनिवास मडीवाल यांच्या भ्रमणध्वनी क्रमांकाचे तांत्रिक विश्लेषण करून संशयित श्रीनिवास मडीवाल याचा गुन्हे शाखा युनिट -३ च्या सर्व पोलीस अधिकारी व अंमलदार यांनी कल्याण स्टेशन परिसरात कसोशीने शोध घेतला असता फोटोशी जुळता व्यक्ती दिसला असता त्याला हटकले असता त्यास त्याचे नाव, पत्ता विचारले असता त्याने आपले नाव श्रीनिवास बसवा मडीवाल (वय ३४ वर्षे), राहणार रुचिरा बारच्या स्टाफरुम मध्ये, कल्याण स्टेशन रोड, कल्याण (प) मूळचा राहणार १/३६७, थोमबाटू, ओलागुड्डे शहर, जिल्हा: उडपी, राज्य: कर्नाटक असे सांगताच पोलिसांनी त्याला आपला खाक्या दाखवून हिसका देताच सदरचा गुन्हा त्याने केला असल्याचा कबुलीजबाब पोलीसांना दिल्याने त्यानेच आरती सकपाळ चा खून केल्याचे निष्पन्न झाले आहे.
श्रीनिवास मडीवाल (वय ३४ वर्ष) यांस गुन्ह्याच्या पुढील तपास कामी व पुढील कायदेशीर कारवाई करिता विष्णूनगर पोलीस ठाणे येथे हजार करण्यात आले आहे.
सदर गुन्हा २४ तासांत उघडकीस आणण्याची यशस्वी कामगिरी मा. पोलीस उपायुक्त श्री. विवेक फाणसळकर, मा. सह पोलीस आयुक्त श्री. सुरेश मेकला, मा. अप्पर पोलीस आयुक्त (गुन्हे) श्री. संजय येनपुरे, मा. पोलीस उपायुक्त (गुन्हे) श्री. लक्ष्मीकांत पाटील, मा. सह पोलीस आयुक्त (गुन्हे शोध -१) श्री. किसन गवळी यांच्या मार्गदर्शनाखाली कल्याण गुन्हे शाखा युनिट-३ चे वापोनि श्री.संजू जॉन, सपोनि भूषण एम. दायमा, उपनिरीक्षक नितीन मुदगुन, उपनिरीक्षक शरद पंजे, उपनिरीक्षक मारुती दिघे, उपनिरीक्षक मोहन कळमकर, सहा. उपनिरीक्षक साळुंखे, पोहवा राजेंद्र घोलप, दत्ताराम भोसले, नरेश जोगमार्गे, विलास मालशेटे, निवृत्ती थेरे सचिन साळवी, पोना राजेंद्र खिलारे, मंगेश शिर्के, केशव निकुळे, प्रकाश पाटील, हरिश्चंद्र बांगारा, पोशि अजितसिंग रजपूत, सचिन वानखेडे, मिथुन राठोड, गुरुनाथ जरग, गोरक्ष शेकडे, राहुल ईशी व महिला पोलीस शिपाई स्वाती काळे यांनी केलेली आहे..
