संपादक: मोईन सय्यद / प्रतिनिधी: अवधुत सावंत
दिनांक १९.०९.२०२३ रोजी एपीएमसी मार्केट गोविंदवाडी रोड, कल्याण येथे एक जण चोरीची मोटार सायकल विक्रीसाठी घेऊन येणार असल्याची गुप्त बातमी बाजारपेठ पोलिस स्टेशनचे पोलीस हवालदार सचिन साळवी यांना मिळाली. सदरची माहिती ताबडतोब वरिष्ठ पोलीस निरीक्षक श्री.नरेंद्र पाटील यांना कळवून त्यांच्या मार्गदर्शनाखाली एपीएमसी मार्केट कल्याण येथे डिटेक्शन इन्चार्ज सपोनि श्री. घोलप यांनी डीबी पथकासह त्या ठिकाणी सापळा रचला.
बातमीदाराने दिलेल्या माहितीनुसार आलम अनिस शेख नामक संशयित आरोपी इसमास त्याच्याकडे असलेल्या चोरीची जुपिटर मोटरसायकलसह त्याला पळून जाण्याचा वाव न देता डिटेक्शन पथकाने मोठे शिताफीने ताब्यात घेतले. त्याला पोलीसी खाक्या दाखवत त्याच्याकडे कसून तपास केल्यानंतर तपासात त्याच्याकडून खालील चोरीच्या गाड्या मिळून आल्या
१) बाजारपेठ पोलीस स्टेशन गुन्हा रजिस्टर नंबर १९८/२२ भादंवि कलम ३७९, ३४ मधील चोरीस गेलेली ज्युपिटर मोटर सायकल
२) महात्मा फुले पोलीस स्टेशन गुन्हा रजिस्टर नंबर ४५०/२२ भादंवि कलम ३७९ मधील चोरीस गेलेली पॅशन-प्रो मोटर सायकल
३) खडकपाडा पोलीस स्टेशन गुन्हा रजिस्टर नंबर २५७/२२ भादंवी ३७९ या गुन्ह्यातील चोरीस गेलेली हिरो होंडा स्प्लेंडर मोटर सायकल
४) एक रिक्षा क्र. एमएच ०५ सीपी १३२४
अशा एकूण ३ मोटर सायकल व १ रिक्षा ज्याची अंदाजे किंमत ९२,०००/- रुपये चा मुद्देमाल सदर चोरट्या कडून हस्तगत करण्यात आला असून पुढील तपास पोलीस हवालदार पावशे करीत आहे असे प्रसिद्धी माध्यमांना सांगण्यात आले.
