संपादक: मोईन सय्यद / प्रतिनिधी: अवधुत सावंत
बँकॉक थायलंड येथे २५ ते ३० एप्रिल या दरम्यान झालेल्या ८ व्या महिला एशियन बीच हँडबॉल आंतरराष्ट्रीय स्पर्धेत भारतीय महिला संघाने द्वितीय उपविजेतेपद पटकावले आहे. यात कल्याण ठाणे जिल्हा येथे राहणारी खेळाडू आणि भारतीय महिला संघाची कर्णधार रेखा अर्जुन कांबळे हिने द्वितीय उपविजेतेपदाची ट्रॉफी उंचावत कल्याणकरांचे नाव उंचावले आहे.
कोरोना काळात देशात प्रतिबंध आणि निर्बंध लादल्यामुळे अनेक आंतरराष्ट्रीय स्पर्धा रद्द करण्यात आल्या होत्या. यात आता प्रतिबंध आणि निर्बंध शिथिल केल्याने भारतीय संघाला आंतरराष्ट्रीय स्पर्धेसाठी जाण्याची संधी मिळाली या संधीचे सोने करत भारतीय महिला संघाने द्वितीय उपविजेतेपदाला गवसणी घातली.
टीम चे हेड कोच म्हणून राजस्थान राज्य क्रीडा परिषद चे हँडबॉल कोच श्री. प्रियदीप सिंह यांची निवड झाली होती. हँडबॉल फेडरेशन ऑफ इंडिया चे महासचिव डॉ. तेजराज सिंह यांनी टीम चे अभिनंदन केले तसेच कल्याण मध्ये येताच रेखा चे स्वागत करण्यात आले. इंडिया केमिस्ट असोसिएशन चे अध्यक्ष श्री. अप्पा शिंदे, जिजाऊ क्रीडा मंडळ कल्याण येथील राजेश मानवडे तसेच रेखा यांचे पती मनोज जाधव आणि संपूर्ण कुटुंब यांनी तीचे स्वागत केले आणि पुढील वाटचालीसाठी भरभरून शुभेच्छा दिल्या.
भारतीय टीम:
रेखा अर्जून कांबळे (कॅपटन) महाराष्ट्र,
वैष्णवी जाधव, मानसी परब, नताशा भगवान साहनी,(महाराष्ट्र), सिध्दी कौशिक, तान्या सिंह (राजस्थान), बितिका रभा, शेफाली दास (पश्चिम बंगाल), सिमाबेन अश्विनभाई चौधरी (गुजरात), हेड कोच – प्रीयदिप सिंह (राजस्थान), कोच – इंथोनी गोमस (महाराष्ट्र), विष्णूवधन बोड्डू (तेलंगणा) यांनी ही आंतरराष्ट्रीय पातळीवर दैदिप्यमान कामगिरी करून भारताच्या शिरपेचात एक तुरा खोवला म्हणून त्यांचे सर्वत्र कौतुक होत आहे.
