वसई, आकाश पोकळे : वसई विरार मध्ये करोना लसीकरणाची सुरवात चालू आहे. मात्र येथेच कायद्याचे उल्लंघन होत असल्याचे स्पष्ट झाले आहे. “लोकां सांगे ब्रम्हज्ञान; आपण कोरडे पाषाण” अशी अवस्था वसई-विरार आरोग्य विभागाच्या लोकांची आहे असे बोलले जात आहे.
वसई पूर्वेकडील वाळीव येथील वरुण इंडस्ट्रीयल इस्टेट येथील लसीकरण केंद्रावर करोनाची लस देण्याचे कार्य सुरु आहे. मात्र येथे लसीकरणाच्या दरम्यान नागरिकांमध्ये एक वित येवढ देखील अंतर राखले जात नाही. तसेच कित्येक नागरिक तोंडावर मास्क न लावता सर्रास वावरताना दिसत आहे.
येथे सुरक्षा रक्षक असुन देखील दोन व्यक्तींच्या मध्ये सुरक्षित अंतर पाळले जात नसल्याचे दिसत आहे. त्यामुळे आता असा प्रश्न निर्माण होत आहे की, येथे लोकं करोनाची लस घेण्यासाठी आले आहेत की कारोनाला आमंत्रण देण्यासाठी येत आहेत? येथे सामाजिक अंतराचे उघड उघड उल्लंघन केले जात असून देखील येथील आरोग्य अधिकारी काय करीत आहेत? या आरोग्य केंद्रावर सामाजिक अंतर का पाळले जात नाही? असा प्रश्न निर्माण होत आहे.
