पनवेल/प्रतिनिधी: एजेएफसी ही राष्ट्रीय पत्रकार संघटना गेली पंधरा वर्षे पत्रकारांच्या समस्यांना न्याय मिळवून देण्यासाठी प्रयत्न करत आहे. लोकशाहीचा चौथा स्तंभ असलेला पत्रकार हा समाजाचा आरसा आहे. यामुळे समाजातील चांगल्या-वाईट घटना समोर आणणे आणि सामान्य जनतेवर होणा-या अन्यायाला वृत्तपत्रात बातम्याच्या माध्यमातून प्रसिद्ध करून न्याय मिळवून देण्याचा प्रयत्न करीत असतात. आपल्या क्षेत्रात काम करीत असताना अनेक ठिकाणी पत्रकारांवर हल्लेही होत असतात. अशा वेळी त्यांचे मनोबल वाढविण्यासाठी आणि पत्रकारितेत टिकून राहण्यासाठी पत्रकारांनी नेमके काय करावे याचे मार्गदर्शन करण्यासाठी एक दिवसीय कार्यशाळेचे आयोजन शनिवार दिनांक २३/७/२०२२ रोजी सकाळी दहा वाजता बी. एड. काॅलेज, एस.टी. स्टॅंड पनवेल येथे करण्यात आलेले आहे.
या कार्यशाळेसाठी मुंबई मराठी पत्रकार संघाचे उपाध्यक्ष शैलेश शिर्के, रायगड भूषण प्रा. एल. बी. पाटील, संस्थापक अध्यक्ष यासीन पटेल, केंद्रीय अध्यक्ष गणेश कोळी असे अनेक मान्यवर उपस्थित राहणार आहेत. तरी या कार्यशाळेसाठी नवीमुंबई, मुंबई, रायगड, ठाणे आणि पालघर जिल्ह्यातील विवीध वर्तमानपत्रातील पत्रकारांनी आवर्जून उपस्थित राहावे असे आवाहन ajfc संघटनेचे केंद्रीय सचिव बाळकृष्ण कासार यांनी केले आहे.
