(चेअरमन ) डॉ.चंद्रजीत जाधव
संपादक: मोईन सय्यद / प्रतिनिधी: अवधुत सावंत
भारतीय खो-खो महासंघाने आशियायी व जागतिक खो-खो स्पर्धेसाठी कंबर कसली आहे. ४थ्या आशियायी खो-खो स्पर्धेला १२ ऑक्टोबर २०२२ पासून तर पहिल्या जागतिक खो-खो स्पर्धेला १६ ऑक्टोबर २०२२ पासून दिल्ली येथे सुरुवात होण्याचा अंदाज खो-खो महासंघाकडून व्यक्त केला जात आहे. या स्पर्धेसाठी जो भारतीय संघ निवडला जाणार आहे त्यासाठी निवडसमितीची घोषणा करण्यात आली असून भारतीय खो-खो महासंघाचे सहसचिव डॉ. चंद्रजीत जाधव यांची निवड समितीच्या चेअरमन पदि नियुक्ती झाली आहे.
(सचिव ) ऍड. गोविंद शर्मा (कार्याध्यक्ष ) सचिन गोडबोले
या आशियायी व जागतिक खो-खो स्पर्धेसाच्या निवड समितीवर महाराष्ट्रातून चेअरमनपदि डॉ.चंद्रजीत जाधव यांच्यासह महाराष्ट्र खो-खो असोसिएशनचे सचिव ऍड.गोविंद शर्मा व कार्याध्यक्ष सचिन गोडबोले यांची सदस्य म्हणून वर्णी लागली आहे. या तिघांसह उपकार सिंग (पंजाब), एस. एस. मालिक (दिल्ली), डॉ. मुन्नी जून (दिल्ली), व सुषमा सारोलकर (मध्य भारत) यांचीसुध्दा सदस्य म्हणून निवड झाली आहे.
पुणे येथील ‘श्री छत्रपती शिवाजी क्रीडा संकुल’ बालेवाडी येथे ६ ते १९ जुलै या कलावधीत प्रक्षिक्षण प्रक्षिण शिबीर आयोजित केले आहे. त्यात सपूर्ण देशातून १२० मुले या प्रक्षिण शिबिरासाठी निवडण्यात आली असून त्यांना प्रक्षिक्षण देण्यासाठी देशभरातून १२ प्रशिक्षकांची निवड करण्यात आली आहे.
याच १२० खेळाडूंमधून आशियायी व जागतिक खो-खो स्पर्धेसाठीचा भारतीय संघ टप्याटप्याने निवडला जाणार असल्याचे भारतीय खो-खो महासंघाचे सचिव महेंद्रसिंग त्यागी यांनी स्पष्ट केले.
महाराष्ट्र खो-खो असोसिएशनचे अध्यक्ष मा. संजीवराजे नाईक–निंबाळकर, खजिनदार ऍड. अरुण देशमुख, याचबरोबर खो-खो तील तमाम कार्यकर्त्यांते यांनी निवड समिती वर शुभेच्छांचा वर्षाव करत आहेत.
