संपादक: मोईन सय्यद/भाईंदर प्रतिनिधी
भाईंदर: फॉर फ्युचर इंडिया ही संस्था प्रत्येक आठवड्याला समुद्र किनारा स्वच्छ करण्याची म्हणजेच आपल्या निसर्ग सौंदर्यात भर घालण्याची मोहीम अतिशय उत्साहाने राबवत आहे. प्रत्येक आठवड्याला शनिवारी व रविवारी कोणत्या न कोणत्या समुद्र किनाऱ्यावर साफ-सफाई करण्याचे उपक्रम राबवत आहे.
यावेळी रक्षाबंधन उत्सवाच्या निमित्ताने भाईंदर पुर्व खाडी येथील कांदळवन स्वछता मोहिम व कांदळवनास राखी बांधुन कांदळवनाचे रक्षण करण्याची जबाबदारी हाती घेतली. कांदळवन स्वछता मोहिम करताना मोठ्या प्रमाणात प्लास्टिकचा कचरा, घरगुती कचरा, इमारत, घर व इतर बाधंकामामध्ये तयार होणार कचरा काढण्यात आला.
सोबतच स्थानिक नागरिकांसोबत या उपक्रमात कांदळवनाविषयी जनजागृती करण्याचे कार्य केले. फॉर फ्यूचर इंडिया सह या उपक्रमात खेलो मिरा भाईंदर खेलो, महाराष्ट्र वनविभाग, मिरा भाईंदर महानगरपालिका, मॅन्ग्रोव्ह फॉउंडेशन, चाईल्ड हेल्प फॉउंडेशन संस्थे सोबत मॅंग्रोव्हमॅन धीरज परब, पोलिस सहाय्यक आयुक्त शशिकांत भोसले, महाराष्ट्र वनविभाग अधिकारी सुचित्रा पाले व सहकारी, मिरा भाईंदर महानगरपालिका स्वच्छता विभाग अधिकारी, भाईंदर पश्चिम येथील व्हिन्सेंट डी-पॉल हायस्कूल शाळा उपस्थित होते.
