संपादक: मोईन सय्यद/प्रतिनिधी: अवधुत सावंत
डोंबिवलीत भारतीय जनता पार्टीच्या संघटनात्मक कार्यरचना या सगळ्या गोष्टींकरिता भारतीय जनता पार्टी महाराष्ट्र प्रदेशाने संपूर्ण महाराष्ट्रभर लोकसभा आणि विधानसभा या क्षेत्रात काम करण्यासाठी कार्यकर्त्यांच्या नियुक्त्या केलेल्या आहेत. त्याचाच भाग म्हणून कल्याण लोकसभा समन्वयकपदी शशिकांत कांबळे यांची नियुक्ती करण्यात आली आहे.
जिल्हाध्यक्ष शशिकांत कांबळे यांनी यापूर्वी लोकसभेचा विस्तारक म्हणूनही काम पाहिले आहे. त्यांच्या या नियुक्ती बरोबर डोंबिवली विधानसभा प्रमुख संजीव बिडवाडकर, सहप्रमुख मिहिर देसाई, समीर चिटणीस कल्याण ग्रामीण विधानसभा प्रमुख नंदू परब, कल्याण पूर्व विधानसभा प्रमुख नाना सूर्यवंशी, सहप्रमुख सुभाष मस्के, कल्याण पश्चिम विधानसभा प्रमुख स्वप्निल काटे, सहप्रमुख गौरव गुजर, संतोष शिंगोळे, अंबरनाथ विधानसभा प्रमुख अभिजीत करंजुले, सहप्रमुख संतोष शिंदे, राजेश कवठाळे अशी ह्या लोकसभेतील रचना असणार आहे. या नियुक्त्या महाराष्ट्राचे माजी मुख्यमंत्री आणि विधानसभा विरोधी पक्षनेते देवेंद्र फडणवीस महाराष्ट्र प्रदेशाध्यक्ष चंद्रकांत दादा पाटील महाराष्ट्र प्रदेश सरचिटणीस रविंद्र चव्हाण यांच्या उपस्थितीत करण्यात आली.
