संपादक: मोईन सय्यद/प्रतिनिधी: अवधुत सावंत
भाईंदर व मीरा रोड परिसरात मोटारसायकल चोरीच्या गुन्ह्यांना आळा बसवण्यासाठी दुचाकी चोरांचा शोध घेत असताना तांत्रिक तपासातून असे गुन्हे करणारा इसम हा योगेश मांगल्या असल्याची माहिती काशीमीरा क्राईम युनिटच्या पोलिसांना मिळाली होती. त्या अनुषंगाने सदर आरोपीला भाईंदर पश्चिम येथून ताब्यात घेण्यात आले. त्याने गुन्ह्याची कबुली दिली आहे.
मिळालेल्या माहितीनुसार दरम्यान सन २०१७ पासून मुंबई भाईंदर व मीरा रोड परिसरात रात्रीच्या वेळी दुचाकी चोरी करून त्या अर्नाळा तालुका वसई येथे राहणारे सचिन वैती आणि कल्पक वैती यांच्या मदतीने विक्री केल्या. एकूण २५ मोटारसायकल त्यात २० ऍक्टिवा, २ डियो, १ माइस्ट्रो, १ युनिकॉर्न, १ पल्सर यांचा समावेश आहे. यात सचिन व कल्पक वैती याना अटक करण्यात आली आहे व पुढील तपास सुरू आहे असे काशीमीरा क्राईम युनिट पोलिसांतर्फे प्रसिद्धी माध्यमांना सांगण्यात आले आहे.
