संपादक: मोईन सय्यद / प्रतिनिधी: अवधुत सावंत
‘आयएनएस विक्रांत’ निधी घोटाळाप्रकरणी भाजपा नेते किरीट सोमय्या यांच्यापाठोपाठ त्यांच्या मुलगा नील सोमय्या याचाही अटकपूर्व जमीन अर्ज मुंबई सत्र न्यायालयाने फेटाळला आहे. यामुळे किरीट सोमय्या यांच्यापाठोपाठ नील सोमय्या यांच्याही अडचणीत भर पडली आहे.
सेव्ह विक्रांतच्या नावाखाली पैसे गोळा केल्याचा किरीट आणि नील सोमय्या यांच्यावर ठपका आहे. या प्रकरणी सोमवारी भाजप नेते किरीट सोमय्या यांचा अटकपूर्व अर्ज न्यायालयाने फेटाळून लावला होता. नील सोमय्या यांच्या अटकपूर्व जामिनाच्या अर्जावरील निकाल आजपर्यंत राखून ठेवण्यात आला होता. न्यायाधीश राहुल रोकडे यांनी आज हा निकाल वाचून दाखवत नील सोमय्या यांचा अटकपूर्व जामिनासाठीचा अर्ज फेटाळून लावला असल्याचे सांगितले. अटकपूर्व जामीन अर्ज फेटाळून लावल्यामुळे किरीट सोमय्या व नील सोमय्या या दोघा पिता पुत्रांना कोणत्याही क्षणी पोलीसांकडून अटक होण्याची शक्यता आहे.
