संपादक: मोईन सय्यद / प्रतिनिधी: अवधुत सावंत
ठाण्यातील वर्तक नगर पोलीस स्टेशनच्या हद्दीत मोटार सायकल चोरी करणाऱ्या इसमास वर्तक नगर पोलीस स्टेशनच्या गुन्हे प्रकटीकरण पथकाने अटक करून मोटार सायकल चोरीचे एकूण ३ गुन्हे उघडकीस आणले आहेत.
याबाबत हाती आलेले वृत्त असे आहे कि, फिर्यादी यांची ठाण्यातील शास्त्री नगर भागातील गंगातारा बिल्डिंग, मिलन हिल्स जवळ सार्वजनिक रस्त्यावर पार्क केलेली स्कुटर चोरी झाली असल्याबाबत वर्तक नगर पोलीस ठाण्यात गुन्हा दाखल करण्यात आला होता. सदर गुन्ह्याच्या अनुषंगाने पोलिसांचा तपास सुरु असता, सदर स्कुटरची चोरी करणारा इसम हा स्कुटरसह यशोधन शाळा, शास्त्री नगर, ठाणे येथे येणार असल्याची माहिती पोलिसांना गुप्त बातमीदारांमार्फत मिळाली. सदर मिळलेलेल्या माहितीच्या आधारे पोलिसांनी सदर ठिकणी सापळा रचून वर्तक नगर पोलिसांनी सदर इसमास अटक केली.
त्याच्याकडून गुन्ह्यातील चोरी केलेली स्कुटर आणि मोबाईल हस्तगत करण्यात आले आहे. तसेच त्याच्याकडे खडसावून केलेल्या अधिक चौकशीत त्याने त्याच्या साथीदारासोबत केलेले मोटार सायकल चोरीचे आणखी दोन गुन्हे उघडकीस आणण्यात पोलिसांना यश आले आहे.
