गुन्हे जगत

पनवेल येथे ऑइल चोरी करून अपहार करणाऱ्यांना अटक;  ४२.८ लाखांचा मुद्देमाल जप्त

प्रतिनिधी: अवधुत सावंत

रायगड जिल्ह्यात पनवेल येथे मिक्स इंडस्ट्रियल हायड्रोकेमिकल ऑईलची चोरी करून अपहार करणारे ५ ट्रान्सपोर्ट कंपनीचे मालक यांच्यासह १ चालकास अटक करून त्यांच्याकडून एकूण ४२,८०,०००/- रुपयांचा मुद्देमाल पनवेल शहर पोलिसांनी जप्त केला आहे.

याबाबत वृत्त असे आहे कि, फिर्यादी यांच्या हस्थी केमिकल तळोजा कंपनीचा ‘मिक्स इंडस्ट्रियल हायड्रोकार्बेन ऑईलचा’ टॅंक सुनील ट्रान्स्पोर्टच्या ट्रक चालकाच्या ताब्यात पोहच करण्यासाठी दिला असता त्याने त्याच्या साथीदारांशी आपसात संगनमत करून पनवेल मधील पळस्पे येथील निलेश ढाब्याजवळ सदर टॅन्कमधील ११,६००/- रु. किंमतीचे अंदाजे २०० लिटर ऑइल चोरी करून पिंपामध्ये काढून अपहार केला होता. सदर ठिकाणी पनवेल शहर पोलीस ठाण्याचे गुन्हे प्रकटीकरण पथकाचे पोलिसांनी छापा मारला असता सदर इसम हे पळून गेले होते. त्यानंतर फिर्यादी यांनी दिलेल्या तक्रारीवरून गुन्हा दाखल करण्यात आला.

सदर गुन्ह्याच्या अनुषंगाने पोलिसांनी तपास करून सदर गुन्ह्यातील चालक आणि त्याच्या ५ साथीदारांना अटक केली. त्यांच्याकडून एकूण ४२,८०,०००/- रुपयांचा मुद्देमाल जप्त करण्यात आला आहे.

Share :

Leave a Reply

Your email address will not be published.