उल्हासनगर च्या सेक्शन-१७ मध्ये चालणारा जुगाराचा क्लब उध्वस्त, १० ते १२ जणांची धरपकड
संपादक: मोईन सय्यद / प्रतिनिधी: अवधुत सावंत
सध्या कोरोनाच्या संकटात एकीकडे जिथे राज्यातील सगळ्या महापालिका कोविड-१९ चा प्रादुर्भाव रोखण्यासाठी व तो संसर्ग आटोक्यात आणण्यासाठी तारेवरची कसरत करत असतानाच दुसरीकडे विठ्ठलवाडी पोलीस स्टेशन च्या हद्दीतील उल्हासनगर सेक्शन-१७ येथील ‘हिल क्वीन’ बिल्डिंग मध्ये चालत असलेल्या जुगाराच्या क्लब वर भीमसेना नशामुक्ती अभियान च्या अध्यक्षा नितीका राव व त्यांचे सहकारी भरत तोलानी यांनी विठ्ठलवाडी पोलिसांना क्लब कायमस्वरूपी बंद करण्यासाठी लेखी पत्र देऊन पोलिसांना त्या क्लबवर कारवाई करण्यास भाग पाडत आणि विठ्ठलवाडी पोलिसांना सोबत घेत त्या क्लबवर धाड मारली. या धाडीत १०-१२ जुगारींना ताब्यात घेण्यात आले तर ७-८ जण पळ काढण्यात यशस्वी झाले.
या क्लबमध्ये जुगरींना मनसोक्त खेळण्यासाठी २ एसी व ५ टेबल असून ५-६ सी.सी.टीव्ही ने आधुनिकरित्या तो उभारला आहे म्हणूनच दररोज ३० ते ३५ लोकं या कोरोनाच्या महाभयंकर काळातही सोशल डिस्टनसिंग चे पालन न करता व मास्क न वापरता आपल्या जीवाशी खेळण्याकरता या क्लब मध्ये येत आहेत. पोलिसांनी या धाडीतून घटनास्थळातून काही चोपड्या, पत्त्यांचे ३०-४० कॅट अशी सामग्री जप्त केली आहे व गुन्हा नोंदवण्याची व पुढील तपासाची प्रक्रिया सुरू आहे.
विठ्ठलवाडी पोलीस स्टेशन च्या हाकेच्या अंतरावर असणाऱ्या या जुगाराच्या क्लब विरोधात आधीपासून स्थानिकांच्या विठ्ठलवाडी पोलीस ठाण्यात तक्रारी आल्या असून पोलिसांनी कारवाई करून सुद्धा हा क्लब दोनतीन दिवसांनी पुनश्च सुरू होत होता असे तेथील राहणाऱ्या एका स्थानिकाने पत्रकारांशी बोलताना सांगितले व या धाडीनंतर तरी उल्हासनगर पालिका प्रशासन व झोन-४ चे उपयुक्त यांनी कठोर कारवाई करून हा क्लब कायमस्वरूपी बंद होईल अशी अपेक्षा बाळगली.
