संपादक: मोईन सय्यद / प्रतिनिधी: अवधुत सावंत
सविस्तर वृत्त असे की कल्याण मधील बाजारपेठ पोलीस स्टेशनच्या हद्दीत दिवसा व रात्री एकटा संधीचा फायदा घेऊन अट्टल घरफोडी व चोरी करणारा मोगा नावाचा अट्टल आरोपी हा घरफोडी करण्याच्या उद्देशाने बाजारपेठ पोलीस स्टेशनच्या हद्दीत फिरत असल्याची बातमी पोलीस नाईक सचिन साळवी यांना मिळाली होती. त्या अनुषंगाने बाजारपेठ पोलीस स्टेशनचे वपोनि श्री. नरेंद्र पाटील यांच्या मार्गदर्शनाखाली बाजारपेठ डिटेक्शन ब्रांच चे सपोनि. अरुण घोलप व त्यांच्या डिटेक्शन टीमचे पोहवा. पावशे, अनिल जातक, सचिन साळवी, बाविस्कर, सांगळ यांनी आरोपी संदीप बबन घोगरे (उर्फ मोगा) राहणार: भाऊ म्हात्रे चाळ, शंकर मंदिरा जवळ, काळा तलाव कल्याण याला शिताफीने पकडुन त्याचे कडून घरफोडी गुन्हा रजि नं. ९७/२०२२, कलम ४५४, ४५७, ३८० च्या घरफोडीतील एकूण २८,७००/- रुपये किंमतीचा मुद्देमाल हस्तगत करण्यात आला असून, सदर आरोपीने अजून कुठे घरफोडी व चोरी केली आहे या बाबत बाजारपेठ पोलीस सखोल तपास करीत आहेत.
सदरची कामगिरी वपोनि श्री. नरेंद्र पाटील, पोनि. राजेंद्र अहिरे (गुन्हे), पोनि. सुधाकर खोत, सपोनि. अरुण घोलप, पोहवा. पावशे, पोहवा. जातक, पोना. सचिन साळवी, पोना. परमेश्वर बाविस्कर, पोना. राज सांगळे यांनी केली असून सदर प्रकरणाचा पुढील तपास पोहवा. पावशे करीत आहे.
