प्रतिनिधी: अवधुत सावंत (कल्याण)
कल्याणात ७० वर्षीय वृद्ध महिलेची गळा चिरून झालेल्या हत्येला २४ तास उलटत नाही तोच डोंबिवलीतील मानपाडा पोलीस स्टेशन च्या हद्दीतील असणाऱ्या लोढा हेवन परिसरात रेशनिंग दुकानातील मागील बाजूस दारू पिऊन झालेल्या वादातून एका ३० वर्षीय महिलेची गळा चिरून हत्या करण्यात आल्याची धक्कादायक घटना डोंबिवलीतील लोढा हेवन परिसरात घडली आहे. लागोपाठ घडलेल्या दोन घटनांमुळे शहरात मात्र एकचं खळबळ उडाली आहे.
सविस्तर वृत्त असे की श्वेता गुप्ता (३०) असं मयत महिलेचं नाव असून श्वेता गुप्ता आणि तिचा पती राजेश गुप्ता हे डोंबिवलीतील लोढा हेवन येथील भवानी चौक परिसरात गेले दहा वर्ष रेशनिंग चं दुकान भाडेतत्वावर चालवत होते.
काल रात्रीच्या सुमारास याच रेशनिंग दुकानातील मागील बाजूस राजेश गुप्ता, त्याची पत्नी श्वेता गुप्ता व त्यांच्या दुकानामध्ये काम करणारा कामगार गुडीकुमार श्रीराम इकबाल सिंग हे तिघेही दारू पित बसले होते. यावेळी श्वेता हिने आपल्या प्रियकराचे नाव घेतल्याने पती राजेश गुप्ता हा रागावून बाहेर निघून गेला. याच दरम्यान कामगार गुडीकुमार श्रीराम इकबाल सिंग याचा श्वेता गुप्ता हिच्याशी वाद झाला व त्याने श्वेताची गळ्यावर वार करत तिची हत्या केली.
पती राजेश याने मानपाडा पोलीस यांना तक्रार दिल्यावर मानपाडा पोलीस यांनी तक्रारीनुसार गुडीकुमार श्रीराम इकबाल सिंग या कामगाराला ताब्यात घेत पुढील चौकशी सुरू असल्याचे परिमंडळ-३ चे पोलीस उपायुक्त श्री.विवेक पानसरे यांनी मिडियाला सांगितले.
