Latest News आपलं शहर

कल्याण डोंबिवली पालिकेने आगामी लसीकरणाची फक्त कागदावर तयारी केली – मंदार हळबे

प्रतिनिधी: अवधुत सावंत

१८ वर्षावरील व्यक्तींना सरसकट लस देण्यासाठी कल्याण डोंबिवली पालिकेकडे त्याप्रमाणात यंत्रणा नाही. जास्तीत- जास्त लसीकरण केंद्राची तयारी पालिकेने करायला हवी होती. पालिकेने फक्त कागदावर तयारी केली.अशी टिका पालिकेचे विरोधी पक्ष नेता आणि नगरसेवक मंदार हळबे यांनी केली आहे. प्रसार माध्यमांशी बोलताना पालिकेच्या आगामी लसीकरण धोरणावर हळबे यांनी टिका केली आहे.

याबाबत मंदार हळबे म्हणाले कि, कल्याण डोंबिवली पालिका लसीकरणासाठी राज्यशासनावर अवलंबून आहे. ज्यावेळी सरकारचे धोरण निश्चित झाले कि, १८वर्षावरील सर्व नागरिकांना लस द्यायची.
त्यावेळी जास्तीत जास्त लसीकरण केंद्राची तयारी
पालिकेने करायला हवी होती. मात्र पालिकेने फक्त कागदावर तयारी केली. जर एक मे पासून लस द्यायची वेळ आली असती तर, त्याप्रमाणात पालिकेची तयारी नाही. यंत्रणा नाही. लसीकरण केंद्र कुठे सुरू कराव्या याच्या जागा पालिकेने हेरून ठेवल्या आहेत.

लसीकरण केंद्र सुरु करताना खुप तयारी करावी लागते.आम्हाला केंद्र सुरु करण्यासाठी दोन दिवस लागले. एक केंद्र उभे करण्यास चार पाच दिवसाचा कालावधी लागतो. तिथे लागणारी जागा मनुष्यबळ, संगणक व्यवस्था, मंडप अश्या अनेक बाबी आहेत.परंतु आगामी लसीकरण बाबत महापालिकेची तयारी नाही. असे मंदार हळबे म्हणाले.

*लसीकरणाचे रेशनिंग करावे*
सरकारने लसीकरणाचे व्यापक धोरण राबविताना
त्यात रेशनिंग व्यवस्था आणावी. जे नागरिक पांढरेशुभ्र
रेशनिंग कार्ड धारक आहेत, त्यांच्या कडेन प्रत्येक लसीकरणाचे पैसे घ्यावेत.केशरी कार्डधारकांकडून
पांढऱ्या धारकांपेक्षा कमी पैसे घ्यावेत, तर पिवळ्या
रेशन कार्ड धारक गोरगरिबांना मोफत लस द्यावी असे
मंदार हळबे यांनी सांगितले.

केंद्र सरकारच्या निर्णयाप्रमाणे १८ वर्षावरील नागरिकांना खाजगी करणाच्या माध्यमातून लस दिली जाणार आहे.याचा निर्णय राज्यसरकारने करायचा आहे. राज्यशासनाच्या मोफत लसीकरणाच्या धोरणामुळे करदात्या नागरिकांवर ताण पडणार आहे. यापूर्वी झालेल्या लसीकरणाचे नागरिकांनी ₹ २५० प्रमाणे पैसे दिले होते. लसीकरण केंद्राबाबत विचारणा करणारे नागरिकांचे फोन येतात. मोफत लस पेक्षा घराजवळ केंद्र असल्याच्या सुविधेत नागरिकांना समाधान वाटते.

Share :

Leave a Reply

Your email address will not be published.