Latest News महाराष्ट्र

सीरम’ने महाराष्ट्राला लस देताना झुकतं माप द्याव – आरोग्यमंत्री राजेश टोपे

संपादक: मोईन सय्यद / प्रतिनिधी: अवधुत सावंत

कोविड व्हॅक्सीन बनवणारे ‘सीरम इन्स्टिट्यूट’ हे महराष्ट्रातील पुण्यात आहे. त्यामुळे अदर पूनावाला यांनी लस देण्याच्याबाबतीत महाराष्ट्राला काहीसं झुकतं माप द्यावं, अशी विनंती राज्याचे आरोग्यमंत्री राजेश टोपे यांनी केली आहे. राज्यात सध्या करोना संसर्ग दुपटीने वाढत आहे. दररोज मोठ्यासंख्येने कोरोनाबाधित आढळून येत आहेत.

तर दुसरीकडे केंद्र सरकारच्या निर्देशाप्रमाणे १ मे पासून १८ ते ४४ वयोगटातील नागरिकांसाठी लसीकरणाच्या तिसऱ्या टप्प्यालाही सुरूवात झाली आहे.
मात्र, लस तुटवड्यामुळे राज्य सरकारकडून हा लसीकरणाचा टप्पा राबवताना अडथळे येत असल्याचं सांगितलं जात आहे. या पार्श्वभूमीवर आरोग्यमंत्री राजेश टोपेंनी सीरमचे पूनावाला यांना ही विनंती केल्याचे दिसत आहे. ”अदर पूनावाला यांना आमची विनंती आहे की, ते पुण्यातील असल्याने व महाराष्ट्रातच सीरम इन्स्टिट्यूट असल्याने, काहीही करून सीरम इन्स्टिट्यूटने झुकतं माप हे महाराष्ट्राला दिलं पाहिजे.” असं राजेश टोपे प्रसार माध्यमांशी बोलाताना म्हणाले आहेत. तसेच, ”कुठल्याही पद्धतीने आम्हाला लसीकरण १८ ते ४४ असेल, यासाठी लागणारी किंमत ही राज्य सरकार लगेच द्यायला तयार आहे. परंतु आपल्याला अधिक जास्त झुकतं माप मे व जून महिन्यात असलायला हवं. जेणेकरून आपल्याला अधिक गतीनं लसीकरण करता येईल.

सध्या पुरेशी लसचं उपलब्ध नसल्याने जरी आपल्या जवळ निधी आहे. आपण खर्च करायला तयार आहोत, विकत घ्यायला तयार आहोत पण उपलब्धच नसल्याने आपल्याला १८ ते ४४ वयोगाटातील लसीकरण ते कमी गतीनं करावं लागत आहे.” असंही यावेळी राजेश टोपेंनी प्रसिद्धी माध्यमांशी बोलताना सांगितलं.

Share :

Leave a Reply

Your email address will not be published.