संपादक: मोईन सय्यद / प्रतिनिधी: अवधुत सावंत
डोंबिवली शहरात पहिल्यांदाच गुजरात, महाराष्ट्र आणि संपूर्ण भारतात नावलौकिक आणि प्रसिद्ध असलेला ‘दांडिया किंग’ नैतिक नागदा आणि त्याचे बँड पथक यांचा कार्यक्रम डोंबिवलीतील डीएनसी शाळेच्या ८०,००० स्क्वेयर फूट च्या भव्य पटांगणात ‘श्री नवदुर्गा युवा मंडळ’ व ‘डॉ. श्रीकांत शिंदे फाउंडेशन’च्या ‘रासरंग २०२३’ दांडिया फेस्टिव्हल यांच्या माध्यमातून दिनांक १५ ते २३ ऑक्टोबर या कालावधीत आयोजित करण्यात येत असून ‘रासरंग २०२३’ या महोत्सवाचे यंदा ६ वे वर्ष असून नागरिकांना गरब्याच्या आनंद घेण्यासाठी प्रशस्त जागेत ‘दांडिया कींग’ म्हणून सर्वत्र प्रचिलित असलेले ‘दांडिया किंग’ नैतिक नागदा यांचे थिरकायला लावणारे संगीत, मनसोक्त नृत्याचा आनंद घेणारे आबालवृद्ध, सिनेअभिनेत्यांची, कलाकारांची मांदियाळी तसेच विविध क्षेत्रात उल्लेखनीय कार्य करणाऱ्या व्यक्तीचा सन्मान अशा सोहळ्यात ‘रासरंग २०२३’ हा भव्यदिव्य दांडिया फेस्टिव्हल पार पडणार आहे.
सांस्कृतिक शहर म्हणून ओळख असलेल्या डोंबिवली शहरासह संपुर्ण कल्याण मतदार संघात विविध सण-उत्सवाच्या काळात कल्याण लोकसभा मतदारसंघाचे लोकप्रिय खासदार डॉ. श्रीकांत शिंदे यांच्या माध्यमातून विविध सणवार कार्यक्रमाचे आयोजन करण्यात येत आहे. ‘दांडिया किंग’ नैतिक नागदा यांचा कार्यक्रम डोंबिवली मध्ये होत असल्याचे कळताच गुजरात, मुंबई, ठाण्यातुन मोफत प्रवेश पासेस करिता जोरदार मागणी होत असल्याचे व आतापर्यंत ३५,००० मोफत प्रवेश पासेस वाटले गेले असल्याचे डोंबिवली शिवसेना शहरप्रमुख राजेश मोरे यांनी झालेल्या पत्रकार परिषदेत उपस्थित पत्रकारांना सांगितले. पहिल्या दिवशी रविवारी उद्घाटन सोहळ्यानिमित्त मराठी पारंपारिक प्रथा म्हणून सायंकाळी ६ ते ७ च्या दरम्यान २०० ढोल, झांज, लेझीम पथक तसेच शिवसेनेचा भगवामय कार्यक्रम म्हणून ५००० भगवे फुगे आकाशात सोडणार असल्याची माहिती मिळत असून या अविस्मरणीय क्षणाचा अविभाज्य घटक होण्यासाठी म्हणून खास पत्रकारांना निमंत्रित करण्यात आले असून या नऊ दिवसात मराठी व हिंदी चित्रपटसृष्टीतील दिग्गज सिनेतारक, सिनेतारका यांची उपस्थिती लाभणार आहे.
नवरात्र उत्सव म्हणजे नारीशक्तीचा खऱ्या अर्थाने सन्मान करणारा उत्सव या पार्श्वभूमीवर महिला व भगिनींसाठी उत्सवाच्या पाचव्या दिवशी (गुरुवार दि. १९/१०/२३) रोजी महिलांसाठी ‘भोंडला’ या कार्यक्रमाचे आयोजन करण्यात आले असून सातव्या दिवशी (शनिवार दि. २१/१०/२३) रोजी कुमारिकांसाठी ‘कुंकुमार्चन’ व ‘कुमारिका पूजन’ आयोजलेले आहे. रविवार दि. २२/१०/२३ रोजी रक्तदान शिबिर व दिव्यांगांसाठी मोफत कृत्रिम अवयव साहित्य वाटप शिबीराचे आयोजन करण्यात आलेले आहे. संपूर्ण ठाणे जिल्ह्यात या ‘रासरंग दांडिया २०२३’ ला दरवर्षी प्रमाणे महोत्सवा दरम्यान विविध क्षेत्रात उल्लेखनीय कार्य करणाऱ्या ९ महिलांचा सन्मान करण्यात येणार आहे. महिलांना ‘नवदुर्गा पुरस्कार’ जाहीर करण्यात आले असून त्या महिलांची निवडही झाली असल्याचे पत्रकार परिषदेत सांगितले गेले. त्याचबरोबर महिलांसाठी स्पर्धेचे देखील आयोजन करण्यात आले असून विजेत्या महिलांना बक्षिस देखील देण्यात येणार आहे. दरम्यान या कार्यक्रमात समाजातील उच्च शिक्षित व विद्याविभूषित नागरिक यांचा सत्कार देखील करण्यात येणार असल्याचे आयोजले असून समाजातील विवध वर्गातील मान्यवरांची उपस्थिती लाभणार आहे त्यांचे सुद्धा सत्कार करण्याचे आयोजले असून हया भव्य दांडिया ‘रासरंग २०२३’ कार्यक्रम दरम्यान सावधानतेचा व सुरक्षिततेचा उपाय म्हणून दोन रुग्णवाहिका, अग्निशमन दल, वैद्यकीय मदत कक्षासह ९ दिवस सज्ज असणार आहेत.
नवमी च्या दिवशी महाराष्ट्राचे लाडके मुख्यमंत्री एकनाथ शिंदे, उपमुख्यमंत्री देवेंद्र फडणवीस तसेच अनेक मंत्री महोदय व प्रशासकीय उच्चपदास्थीय अधिकारी यांची उपस्थिती लाभणार असल्याचे या पत्रकार परिषदेत सांगण्यात आले. उपजिल्हाप्रमुख राजेश कदम, रवी मट्या पाटील, तालुकाप्रमुख महेश पाटील, शहरप्रमुख राजेश मोरे, नगरसेवक नितीन मट्या पाटील, जितेन पाटील, सागर जेधे, सुनील भोसले तसेच इतर पदाधिकारी व कार्यकर्ते हे या पत्रकार परिषदेला मोठ्या संख्येने उपस्थित होते.
