अवधूत सावंत, प्रतिनिधी (नवी मुंबई) : अल्पवयीन मुलीवर लैंगिक अत्याचार करणाऱ्या विधीसंघर्षित बालकास नवी मुंबईच्या एनआरआय सागरी पोलिसांनी ताब्यात घेतले आहे.
याबाबत वृत्त असे आहे कि, फिर्यादी यांची पत्नी आणि दोन मुली स्वामी नारायण यांच्या सत्संगच्या कार्यक्रमास बेलापूर येथे गेले होते. त्यावेळी तेथे एका अनोळखी विधीसंघर्षित बालकाने फिर्यादी यांच्या एका मुलीला तुला कोणीतरी बाहेर बोलवत आहे असे सांगून गोड बोलून तिला सोबत बाहेर नेऊन तिच्या सोबत लैंगिक अत्याचार करण्याचा प्रयत्न केला.
सदर बाबत फिर्यादी यांनी दिलेल्या तक्रारारीवरून एनआरआय सागरी पोलीस ठाण्यात गुन्हा दाखल करण्यात आला.
सदर गुन्ह्याच्या अनुषंगाने पोलिसांनी तपास करून, सदर मुलास बेलापूर परिसरातून ताब्यात घेतले.
