संपादक: मोईन सय्यद / प्रतिनिधी: अवधुत सावंत
कल्याणच्या गुन्हे शाखा घटक-३ चे पोलीस निरीक्षक विलास पाटील यांना आंबिवली रेल्वे स्टेशनच्या बाजूला, मोहने गाव कल्याण येथे जुगाराचा अड्डा चालू असल्याची गुप्तरीत्या माहिती मिळाली. त्याप्रमाणे त्यांनी मिळालेल्या माहितीनुसार आंबिवली रेल्वे स्टेशनच्या बाजूला मोहनेगाव येथे छापेमारी केली असता सदर ठिकाणी नऊ इसम जुगार खेळताना सापडले. त्यांच्याकडून रोख रक्कम, जुगाराची साधने व मोबाईल फोन असा एकूण ८८,८५०/- रुपये किंमतीचा मुद्देमाल पोलिसांनी जप्त केला आहे.
त्याबाबत खडकपाडा पोलीस स्टेशन येथे त्यांच्यावर मुंबई जुगार कायदा कलम ४ व ५, सह भादवि कलम १८८, २६९, २७० सह कोविड-१९ उपाय योजना नियम २०२० चे नियम ११ सह आपत्ती व्यवस्थापन अधिनियम १९९७ चे कलम २,३,४ अन्वये खडकपाडा पोलीस स्टेशन येथे गुन्हा दाखल करण्यात आला आहे. सदर जुगाराच्या ठिकाणी मिळून आलेल्या मुद्देमालासह नऊ जणांना खडकपाडा पोलीस स्टेशन यांच्या ताब्यात दिले असून पुढील तपास खडकपाडा पोलीस स्टेशन चे पोलीस अधिकारी करत आहेत.
प्रस्तुत यशस्वी कामगिरी मा. वरिष्ठांच्या मार्गदर्शनाखाली गुन्हे शाखा घटक-३, कल्याणचे पोलीस निरीक्षक श्री.विलास पाटील, सपोनि भूषण एम.दायमा, पोउनि मोहन कळमकर, सपोउनि विलास मालशेटे, सपोउनि संदीप भालेराव, पोहवा प्रकाश पाटील, पोहवा राजेंद्र खिलारे, पोहवा राजेंद्र घोलप, पोहवा मंगेश शिर्के, पोहवा अनुप कामत, पोना हरिश्चंद्र बांगारा, पोना सुरेश निकुळे, पोना विलास कडू, पोशि मिथुन राठोड, पोशि विलास चन्ने, पोशि विजेंद्र नवसारे यांनी केले आहे.
