प्रतिनिधी: अवधुत सावंत (डोंबिवली)
संपूर्ण राज्यात आणि डोंबिवली कल्याणात महाभयंकर कोरोना साथीचा संसर्ग वाढत चालला असताना रुग्ण संख्येत दिवसाकाठी वाढ होत आहे. त्यामुळे कल्याण डोंबिवली महापालिके तर्फे सुरक्षा उपाय योजना म्हणून जंतुनाशक आणि धुर फवारणी मोहिम कल्याण डोंबिवली शहरात राबविण्यात येत आहे.
पालिकेचे आयुक्त डॉ.विजय सुर्यवंशी यांच्या निर्देशानुसार, कल्याण डोंबिवली शहरात विशेष मोहिम ६ आणि ७ मार्च रोजी आयोजित करण्यात आली असून, घनकचरा व्यवस्थापक उपायुक्त रामदास कोकरे यांच्या मार्गदर्शनानुसार विविध प्रभागात कोरोनाचे उच्चाटन करण्यासाठी पालिका अधिकारी व कर्मचाऱ्यांनी कंबर कसली आहे.
डोंबिवली येथील `फ` आणि `ग` प्रभाग क्षेत्रात मोहीम राबविण्यात आली. यावेळी पालिकेचे मुख्य आरोग्य निरिक्षक नरेंद्र धोत्रे, वसंत देगलूरकर, शेकडो कर्मचारी ११ सिटी ट्रक्टर्स, ४ जिप फॉग मशीन, तसेच दहा प्रभागातील हँड फॉग मशीन द्वारे जंतुनाशक फवारणी आणि धुरावणी करण्यात आली.
