प्रतिनिधी: अवधुत सावंत
कांदिवलीच्या अंमली पदार्थ विरोधी कक्षाला एक नेपाळी गॅंग नेपाळहून मुंबईमध्ये चरस ची तस्करी करत असल्याची माहिती मिळाली. या पथकाने नॅशनल पार्कजवळ नानासाहेब धर्माधिकारी चौक येथे सापळा रचला.
काही वेळातच या गॅंग चा एक सदस्य तिथे आला असता त्याला अटकाव करून दोन पंचासमक्ष पंचनाम्या अंतर्गत त्याची झडती घेतली असता त्याच्या बॅगेत एकूण १४ किलो ५६ ग्राम चरस हा अंमली पदार्थ आढळून आला.
हा चरस चा साठा त्याने नेपाळहून आणल्याचे निष्पन्न झाले आहे. या मालासहित सदर इसमाला अटक करण्यात आली असून अमली पदार्थ कक्षाची पुढील चौकशी व तपास सुरू आहे.
