प्रतिनिधी: अवधुत सावंत
वय वर्ष ६० पूर्ण केलेल्या सर्व व्यक्तींची लसीकरण सध्या सर्वत्र करण्यात येत आहे. याअंतर्गत बृहन्मुंबई महानगरपालिका क्षेत्रात ९ मार्च २०२१ पर्यंत १ लाख ३६ हजार ४९१ व्यक्तींचे लसीकरण करण्यात आले आहे. तसेच वय वर्षे ४५ ते ५९ या वयोगटातील सह्व्याधी असलेल्या व्यक्तींचेही लसीकरण करण्यात येत असून, या गटातील १५ हजार २७२ व्यक्तींचं लसीकरण ९ मार्च २०२१ पर्यत करण्यात आले आहे.
बृहन्मुंबई महानगरपालिका क्षेत्राची वैशिष्ट्ये लक्षात घेऊन मुंबई मधील खासगी रुग्णालयांना आठवड्याचे सात हि दिवस आणि दिवसाचे २४ तास लसीकरण सुरु ठेवण्याच्या बृह्नमुंबई महानगरपालिकेच्या प्रसत्वास केंद्र शासनाने नुकतीच मंजुरी दिली आहे.
