संपादक: मोईन सय्यद / प्रतिनिधी: अवधुत सावंत
डोंबिवलीतील काही काळ शहरापासून दूर असलेले माजी नगरसेवक महेश पाटील यांचे डोंबिवलीत विविध घटकांकडून जंगी स्वागत करण्यात आले. सागर्ली येथील त्यांच्या कार्यालयाबाहेर राजकीय पक्षातील पदाधिकारी, हजारो कार्यकर्ते, मित्रमंडळी, हितचिंतक जेष्ठ नागरिक, महिला, ग्रामस्थ, नातेवाईक महेश पाटील यांच्या स्वागतासाठी आली होती. महेश पाटील यांचे स्वागत फटाक्यांच्या आतिषबाजीने पेढे वाटून करण्यात आले.
+
डोंबिवलीत येण्यापूर्वी महेश पाटील यांनी पलावा येथे ‘एकता रिक्षा चालक मालक’ संघटनेच्या स्टॅण्ड वर सदिच्छा भेट दिली आणि रिक्षाचालकांची आस्थेने चौकशी केली. शिवसेना शिंदे गटाचे जेष्ठ पदाधिकारी अर्जुन पाटील यांच्या कार्यालयात सुद्धा त्यांनी भेट दिली. काटई येथील ‘युवा मोर्चा’च्या आंदोलनास भेट देऊन समस्या समजून घेऊन पुर्ण पाठिंबा असल्याचे मत त्यांनी व्यक्त केले. एमआयडीसी येथे ‘महेश पाटील प्रतिष्ठान’ च्या वतीने जेष्ठ नागरिक कट्टा सुरु करण्यात आला असून येथे स्वागतासाठी जमलेल्या जेष्ठ नागरीकांनी महेश पाटील यांना सामाजिक सेवेसाठी आणि उज्ज्वल राजकीय कारकीर्दीस आशिर्वाद दिले.
सागर्ली गावातील घरात प्रवेश करण्यापूर्वी बहिण डॉ.सुनिता पाटील, इतर बहिणींनी, ग्रामस्थ महिलांनी महेश पाटील यांचे औक्षण केले. महेश पाटील यांच्या येण्यामुळे घरात आनंदाचे वातावरण होते. महेश पाटील यांच्या वडीलांचा आज पाचवा स्मृतीदिन असल्याने, सागर्ली येथील घरात आई-वडीलांच्या प्रतिमेचे पूजन करुन महेश पाटील यांनी त्यांच्या कार्यालयात प्रवेश केला.
डोंबिवलीत विविध चौकात महेश पाटील यांच्या स्वागताचे फलक लावण्यात आले होते.आपल्या अत्यंत विश्वासू सहकाऱ्या सोबत भाजपला सोडचिठ्ठी दिल्या नंतर आता शिंदे गटाच्या शिवसेनेच्या ढाल तलवारीचे राजकीय वार कुणावर करणार अशी चर्चा आता महेश पाटील यांच्या डोंबिवलीतील पुनश्च एन्ट्री मुळे सुरु झाली आहे
