पायांच्या हाडांमध्ये अनेक फॅक्चर झाल्यामुळे चालणेही शक्य नसलेला पोलीस कर्मचारी आता आपल्या पायावर उभे राहत पुन्हा सेवेत रूजू!
मुंबई, प्रतिनिधी: मिरारोड येथील वोक्हार्ट हॉस्पिटल्सचे सल्लागार ऑर्थोपेडिक सर्जन डॉ. गिरीश भालेराव यांच्या नेतृत्वाखालील पथकाने 44 वर्षीय अपघातात पायाला गंभीर दुखापत झालेल्या पोलिस कर्मचाऱ्यावर यशस्वी उपचार करण्यात आले. अपघातानंतर चालता येत नसलेला रुग्ण आता पुन्हा आपल्या पायावर उभा आहे.
44 वर्षीय महामार्ग पोलीस शिपाई सचिन धनविरे, डहाणू येथील रहिवासी असून 22 एप्रिल रोजी कर्तव्यावर असताना त्यांचा भीषण अपघात झाला. बोईसर महामार्गावर त्यांना भरधाव वाहनाने (ट्रक) धडक दिली. हायवेवर उभे असलेले हे पोलीस कर्मचारी गंभीर जखमी झाले आणि त्यांना शरीरावर अनेक फ्रॅक्चर्ससह पायांना गंभीर इजा झाल्याने उभे राहणेही शक्य नव्हते.
त्यांच्या मांडीची दोन्ही हाडे (फिमर), शाफ्ट फ्रॅक्चर झाले; उजव्या प्रॉक्सिमल लेग बोन फ्रॅक्चर, उजव्या गुडघ्याची हाडे, स्नायू आणि इतर बाजूच्या ऊतींना दुखापत झाली तसेच हाताचे देखील फ्रॅक्चर झाले.
रुग्णाच्या उजव्या बाजूच्या खालच्या अंगाची संपूर्ण हाडे, त्वचा आणि रक्तवाहिन्यांवर या अपघातामुळे गंभीर परिणाम झाला होता. रूग्णावर प्रामुख्याने जवळच्या स्थानिक रूग्णालयात प्राथमिक उपचार करण्यात आले. पंरतू अपघात गंभीर होता आणि ही परिस्थिती पाहून त्यांनी दुसऱ्या रुग्णालयात हलविण्यात आले.
मिरारोड येथील वोकहार्ड हॉस्पिटलचे डॉ. गिरीश भालेराव, सल्लागार ऑर्थोपेडिक सर्जन माहिती देताना म्हणाले की, आपत्कालीन विभागात दाखल झालेल्या या रुग्णाला रुग्णवाहिकेत आणण्यात आले. त्यावेळी रुग्णाला मोठ्या प्रमाणात रक्तस्त्राव झाला होता. त्यानंतर त्याचे मूल्यांकन करण्यात आले. त्याला प्रामुख्याने एएलटीएस (Advanced Trauma Life Support) प्रोटोकॉलनुसार स्थिर करण्यात आले.
निदानाची पुष्टी करण्यासाठी योग्य रेडिओलॉजिकल आणि प्रयोगशाळेच्या चाचण्या केल्या गेल्या आणि रुग्णाला पुढील हेमोडायनामिक स्टॅबिलायझेशन आणि निरीक्षणासाठी वॉर्डमध्ये हलवण्यात आले. पॉलीट्रॉमा म्हणजे ज्याला अनेक शरीरिक दुखापत झाली आहे. या प्रकरणात मस्क्यूकोस्केलेटल प्रणालीचे एकाधिक फ्रॅक्चर, परिधीय मज्जासंस्था- सामान्य पेरोनियल मज्जातंतूला दुखापत, जांघेच्या आणि पायांच्या वरच्या आणि खोल त्वचेच्या ऊतींना झालेली दुखापत आणि हेमोडायनामिक स्टॅबिलायझेशन यामुळे होते.
डॉ. सुशील नेहते, प्लॅस्टिक सर्जन यांच्या नेतृ्वाखाली जखमेवर उपचार करण्यात आले. आता रुग्ण फिजिओथेरपी आणि रिहॅबिलिटेशनने बरा होत आहे. सामान्य पेरोनियल मज्जातंतू अजूनही देखरेखी खालील नर्व्ह सिम्युलेशन आणि फिजिओथेरपी अंतर्गत बरे होत आहे.
अपघातामुळे हाडांचे स्नायू आणि रक्तवाहिन्यांना दुखापत झाली होती. सुरुवातीला रुग्ण वॉकरच्या मदतीने चालत होता आणि आता मात्र स्वतःच्या पायावर उभा राहिला. तो आता दुचाकी किंवा चारचाकीही चालवू शकतो. या प्रकरणामध्ये हाडांना पुन्हा जोडून आणणे अतिशय जोखमाचे काम होते, मात्र ते आव्हान स्विकारुन रुग्णावर यशस्वी उपचार करण्यात आले. अपघा पतामध्ये गंभीर दुखापत झालेले रुग्ण वेळीच रुग्णालयात पोहोचले तर त्यामध्ये अवयव गमावण्याची शक्यता कमी होते.
पोलीस कर्मचारी सचिन धनविरे यांनी प्रतिक्रिया देताना सांगितले की, “अपघातानंतर मला वाटले की आता माझे जग उद्ध्वस्त झाले आणि मी पुन्हा कधीही माझ्या पायावर उभे राहू शकणार नाही! पण मी एक पोलीस शिपाई आहे, आणि मला माझे कर्तव्य बजाविण्यासाठी शक्य तितक्या लवकर कामावर रुजू व्हायचे होते!
वोक्हार्ट हॉस्पिटल्स, मिरारोड येथील डॉक्टरांच्या टीमचे मी आभारी आहे की त्यांनी मला नवीन जीवन दिले आहे! आता, मी पुन्हा आपल्या कर्तव्यावर रूजू झालो असून कोणत्याही आधाराशिवाय दैनंदिन काम करु लागलो आहे. रस्त्यावर वाहने चालविणाऱ्या प्रत्येकाने रस्त्यावरुन प्रवास करताना अत्यंत सावधगिरी बाळगण्याचे मी आवाहन करतो!
