संपादक: मोईन सय्यद/प्रतिनिधी: अवधुत सावंत
दिनांक १६.०५.२०२१ रोजी सकाळी ०५.३० वाजताच्या सुमारास फिर्यादी सौ.अनिता अनिल राऊळ (वय: ५५ वर्षे), राहणार नीलकंठ विहार, सुभाष रोड, नवापाडा, डोंबिवली (पश्चिम) त्यांच्या पतीसह भागाशाला मैदान, डोंबिवली (पश्चिम) येथून चालत जात असता आरोपी फजल आयुब कुरेशी (वय: 25 वर्षे) राहणार सूचक नाका, टाटा पावर जवळ, कल्याण (पूर्व) याने सफेद रंगाच्या ऍक्टिवा गाडीवरून मागून येऊन फिर्यादी अनिता राऊळ यांच्या गळ्यातील ८ ग्रॅम व ८.५ ग्रॅम वजनाची दोन सोन्याची मंगळसुत्रे खेचून घेऊन पळून गेला होता म्हणून त्याच्या विरुद्ध विष्णूनगर पोलीस ठाण्यात भादवि कलम ३९२ प्रमाणे गुन्हा दाखल करण्यात आला होता.
सदर गुन्ह्याचा तपास विष्णूनगर पोलीस ठाण्याचे वरिष्ठ पोलीस निरीक्षक श्री.संजय साबळे यांच्या मार्गदर्शनाखाली गुन्हे प्रकटीकरण अधिकारी सपोनि श्री. गणेश वडणे व त्यांच्या पथकाने सीसीटीव्ही फुटेज व तांत्रिक विश्लेषणाच्या मदतीने निश्चित करून आरोपीस गुन्हे शाखा नवी मुंबई यांच्याकडून त्याचा ताबा घेऊन त्यास अटक करत गुन्ह्याच्या तपासाअंती सदर आरोपीकडून गुन्ह्यामध्ये खेचलेले ८ ग्रॅम वजनाचे एक व ८.५ ग्रॅम वजनाचे एक असे एकूण १६.५ ग्रॅम वजनाची दोन मंगळसूत्रे हस्तगत केली आहेत.
सदरची कारवाई ही डोंबिवली विभागाचे मा. सहाय्यक आयुक्त श्री.जयराम मोरे, वरिष्ठ पोलीस निरीक्षक श्री.संजय साबळे यांच्या मार्गदर्शनाखाली सपोनि श्री. गणेश वडणे, पो.हवा पाटणकर, पो.ना कुरणे, पो.ना सांगळे, पो.ना लोखंडे, पो.कॉ कुंदन भामरे, पो.कॉ बडगुजर यांनी सदर कारवाई यशस्वीरित्या पार पाडली व संबंधित आरोपीवर यापूर्वी ११ गुन्हे दाखल आहेत व पुढील तपास सुरू आहे असे विष्णूनगर पोलीस यांनी प्रसिद्धी माध्यमांना सांगितले.
