संपादक: मोईन सय्यद / प्रतिनिधी: अवधुत सावंत
डोंबिवली पश्चिम येथे मान्यवरांच्या उपस्थितीत आज दि.१७ सप्टेंबर २०२१ रोजी डोंबिवलीत झालेल्या सत्कार समारंभात गेल्या १९९१ पासून सामाजिक व पत्रकारितेच्या क्षेत्रात कार्यरत असलेले ज्येष्ठ पत्रकार, तथा ‘क्राईम रिपोर्टर वेल्फेअर असोसिएशन’ (एनजीओ) चे संस्थापक राजेंद्र वखरे यांना ‘सेवा संस्कार पुरस्कार २०१९-२१’ हा मानाचा समजल्या जाणारा ‘जान्हवी मल्टी फाऊंडेशनचा सेवा संस्कार पुरस्कार २०१९-२१’ जाहीर झाला असून, तो आज दिनांक १७ सप्टेंबर २०२१ रोजी सकाळी ११.०० वाजता, स्थळ ‘जान्हवी मल्टी फाऊंडेशन,’ डोंबिवली (पश्चिम) येथे मान्यवरांच्या हस्ते प्रदान करण्यात आला असून सन्मानित करण्यात आले.
गेल्या अनेक वर्षापासून ‘जान्हवी मल्टी फाऊंडेशन’चे संस्थापक डॉ. राजकुमार कोल्हे व डॉ. प्रेरणा कोल्हे हे सदर कार्यक्रमाचे आयोजन करीत असतात.
यावर्षी समाज सेवा व पत्रकारिता या क्षेत्रातून श्री.राजेंद्र श्रावण वखरे यांची निवड करण्यात आलेली आहे. ते सन २०१० पासून ‘क्राईम बॉर्डर’ (साप्ताहिक) चे व श्री स्वामी सखा (मासिकाचे) मुख्य संपादक म्हणून काम पाहत आहेत. त्यांच्या निवडीचे सर्व स्तरातून अभिनंदन होत आहे.
यासाठी महाराष्ट्रातील विविध क्षेत्रात विशेष कार्यरत असणाऱ्या व्यक्तींची पुरस्कारासाठी (जे.एम.एफ ची टीम) निवड करीत असते. सदर कार्यक्रम यशस्वीतेसाठी (जे.एम.एफ.) ची टीम परिश्रम घेत आहे.
