प्रतिनिधी: अवधुत सावंत (मुंबई ): अंमली पदार्थ विरोधी कक्ष, आझाद मैदान युनिटने एका इसमाकडून तब्बल अर्धा किलो कोकेन हा अंमली पदार्थ जप्त करून त्याला अटक करण्यात आली आहे.
पोलिसांना त्यांच्या गुप्त बातमीदाराकडून मिळालेल्या माहितीवरून सदर इसमास आग्रीपाडा म्युन्सिपल शाळेच्या बाजूला असलेल्या मैदानातील इलेक्ट्रिक पोल जवळून फारुख उमरभाई नावाच्या इसमास, आग्रीपाडा रोड येथून ताब्यात घेतले. त्याच्याजवळून एकूण तब्बल अर्धा किलो कोकेन ज्याची बाजारात अंदाजे किंमत रुपये १,५०,००,०००/- आहे असा हा अंमली पदार्थ मिळून आला.
सदरचा अंमली पदार्थ जप्त करण्यात आला असून, त्याला अटक करण्यात आली आहे व पुढील तपास सुरू आहे असे पोलिसांकडून मीडिया ला सांगण्यात आले.
