संपादक: मोईन सय्यद / प्रतिनिधी: अवधुत सावंत
कल्याण-डोंबिवली महापालिकेच्या कार्यक्षेत्रात कोविडच्या दुसऱ्या लाटेमध्ये कोविड होऊन गेलेल्या रुग्णांमध्ये म्युकरमायकोसीस (Mucormycosis) हा आजार आढळून येत आहे .
म्यूकरमायकोसीस हा संधीसाधू संसर्गाचा (Opportunistic Infection) प्रकार असून तो एक प्रकारच्या बुरशी (Fungus) पासून होतो. सदर आजार हा नैसर्गिक प्रतिकारशक्ती कमी असलेल्या विशेषतः मधुमेह असलेल्या रुग्णांमध्ये होण्याची शक्यता जास्त आहे.
या आजाराची लक्षणे :-
1. डोळ्याच्या आजूबाजूला दुखणे व डोळा लालसर होणे..
2. ताप..
3. डोकेदुखी..
4. खोकला..
5. श्वास घेण्यास त्रास होणे रक्ताची उलटी होणे..
6. भमिष्ठावस्था (Altered Sensorium) ही असून..
1. अनियंत्रित मधुमेह..
2. स्टेरॉईड चालू असल्यामुळे प्रतिकारशक्ती कमी झालेल्या व्यक्ती..
3. जास्त काळ आयसीयूमध्ये दाखल असलेले रुग्ण..
4. किडनी ट्रान्सप्लांट / कॅन्सर इ. आजारामुळे रोग प्रतिकार शक्ती कमी झालेले रुग्ण अशा रुग्णांमध्ये हा आजार आढळून येतो.
सध्यास्थितीत कोविड आजारामुळे उपचारासाठी स्टेरॉईडस आणि इतर इम्युनिटी कमी करणारी औषधे जास्त प्रमाणात वापरले आहेत. तसेच ICU मध्ये जास्त काळ दाखल रहावे लागत आहे, त्यामुळे या आजाराचा प्रादुर्भाव वाढताना दिसून येत आहे.
सध्या कल्याण-डोंबिवली महानगरपालिका क्षेत्रात या आजाराचे ६ रुग्ण खासगी रुग्णालयांमध्ये उपचार घेत असून त्यापैकी २ रुग्ण आयसीयूमध्ये दाखल आहेत, आतापर्यंत २ रुग्णांचा मृत्यू झाला असून त्यापैकी १ रुग्ण डोंबिवली पूर्व येथील असून १ रुग्ण म्हारळगाव ठाणे ग्रामीण येथील आहे.
तरी कोविड मधून बऱ्या झालेल्या रुग्णांनी घाबरून न जाता वरील लक्षणे आढळल्यास तात्काळ आपल्या डॉक्टरांशी संपर्क साधावा असे आवाहन महापालिकेच्या वैद्यकीय आरोग्य अधिकारी डॉ.अश्विनी पाटील यांचे मार्फत करण्यात येत आहे.
