संपादक: मोईन सय्यद / प्रतिनिधी: अवधुत सावंत
दिनांक १०/०९/२०२१ रोजी कल्याण गुन्हे शाखा घटक-३ च्या पोलिसांना गुप्त बातमीदारा मार्फत बातमी मिळाली की, मानपाडा पोलीस ठाण्याच्या हद्दीतील मलंगगड येथील ‘मोनालीसा बार आणि रेस्टॉरंट’ कल्याण पूर्व येथे बार मालक व चालक हे विना नोकरनामा व कोणताही परवाना नसताना बार मध्ये ग्राहकांना लेडीज सर्व्हिस देऊन गिऱ्हाईकांना रिचवून आकर्षित करण्याकरिता महिलांना तोकडे कपडे परिधान करण्यास लावून सेक्सी हावभाव करून अश्लील कृत्य करीत आहेत. अशी खात्रीशीर बातमी मिळाल्याने कल्याण गुन्हे शाखा घटक-३ चे वपोनि विलास पाटील व पथकाने ‘मोनालीसा बार आणि रेस्टॉरंट’ मध्ये २०:५५ वाजण्याच्या सुमारास छापा कारवाई केली असता सदर ठिकाणी एकूण २१ महिला विनामास्क तोकडे कपडे परिधान करून ३० गिऱ्हाईकांना आकर्षित करण्यासाठी अश्लील कृत्य व सेक्सी हावभाव करत असताना मिळून आल्या. तसेच बारमध्ये एकूण ६३,४१०/- रुपये रोख रक्कम व ग्राहकांचे मनोरंजन व महिलांना अश्लील हावभाव करण्याकरिता गाणी वाजवण्यासाठी मिक्सर व एम्प्लिफायर असे एकूण १४,५००/- रुपये किंमतीचे असे एकूण रुपये ७७,९१०/- किंमतीचा मुद्देमाल जप्त करण्यात आला आहे.
सध्या कोरोना रोगाचा संसर्ग पसरण्याचा धोका माहीत असताना व तसे समजण्यास कारण असताना वर नमूद बारचालक, मॅनेजर, वेटर, महिला व ग्राहक यांनी एकत्रित जमून मास्क परिधान न करता व परस्परांमध्ये योग्य ते अंतर दिसून आले नाही म्हणून त्यांच्या विरोधात सपोउनि व्ही.डी. मालशेटे नेमणूक गुन्हे शाखा घटक-३ यांच्या फिर्यादीवरून दि.११/०९/२०२१ रोजी मानपाडा पोलीस स्टेशन मध्ये गु.रजि.नं ४७७/२०२१ भादवि कलम २९४,१८८,२६९,२७०,३४ सह केडीएमसी मनाई आदेश सह कोविड-१९ उपाय ईजना नियम २४ चे नियम ११ आपत्ती व्यवस्थापन अधिनियम कलम ५२ सह साथीचा रोग प्रतिबंधक अधिनियम १९९७ चे कलम २,३,४ सह मपोकाक ३३(W)१३१ प्रमाणे गुन्हा नोंद करण्यात आला आहे. वरील २१ महिला, बारचालक, वेटर असे मिळून ०५ इसम व ३० ग्राहक यांना पुढील कारवाई करिता मानपाडा पोलीस ठाणे यांच्या ताब्यात देण्यात आले आहे.
प्रस्तुत यशस्वी कामगिरी मा. वरिष्ठांच्या मार्गदर्शनाखाली गुन्हे शाखा घटक-३, कल्याणचे वरीष्ठ पोलीस निरीक्षक श्री.विलास पाटील, सपोनि दायमा, पोउनि कळमकर, सपोउनि मालशेटे, पोहवा शिर्के, पोहवा किशोर पाटील, पोहवा कामत, पोहवा प्रकाश पाटील, पोना सुरेश निकुळे, पोशि मिथुन राठोड, चापोशि राहुल ईशी, मपोशि मालती ठाकरे नेम-कोळशेवाडी पोस्टे, मपोशि जयश्री आंधळे नेम-कोळशेवाडी पोस्टे यांनी केली आहे असे प्रसिद्धी माध्यमांना सांगण्यात आले.
