रूग्णालयाची अनोखी इन-हाउस ब्रेन जिम देखील देखील सेवेसाठी सज्ज
मिरारोड: मेंदूच्या आरोग्याकडे बहुसंख्य लोकांचे दुर्लक्ष होते. जागतिक मेंदू दिनानिमित्त, मिरारोडच्या वोक्हार्ट हॉस्पिटल्सने रुग्णांचे एपिलेप्सी आणि पार्किन्सन्स रोगाचे क्लिनिक सेवेत आणले आहे. एपिलेप्सी आणि पार्किन्सन रोगाचे व्यवस्थापन प्रशिक्षित तज्ञ याठिकाणी उपलब्ध करण्यात आले आहेत. जे उपचारपूर्व आणि उपचारानंतरच्या सर्व गरजा पुर्ण करण्यास सक्षम आहे. विशेष म्हणजे या क्लिनिकचे उद्घाटन एपिलेप्सी आणि पार्किन्सन रोगावर यशस्वीरित्या मात करणाऱ्या रुग्णांच्या हस्ते करण्यात आले.
शुक्रवारी २२ जुलै रोजी मिरा रोडच्या वोक्हार्ट हॉस्पिटल येथे आयोजित क्लिनीकच्या उदघाटन प्रसंगी डॉ.पवन पै कन्सल्टंट न्यूरोलॉजिस्ट, डॉ.अश्विन बोरकर कन्सल्टंट न्यूरो सर्जन, डॉ. दिपेश पिंपळे कन्सल्टंट न्यूरोलॉजिस्ट, डॉ. विनोद रंबल कन्सल्टंट न्यूरो सर्जन, डॉ. सिद्धार्थ वॉरियर कन्सल्टंट न्यूरोलॉजिस्ट, डॉ. राहिल अन्सारी कन्सल्टंट न्यूरोलॉजिस्ट, डॉ. बिपीन जिभकाटे सल्लागार न्यूरो इंटेन्सिव्ह केअर, डॉ. इम्रान खान सल्लागार न्यूरो रिहॅबिलिटेशन, डॉ. पंकज धमीजा सेंटर हेड वोक्हार्ट हॉस्पिटल्स, मिरारोड आदी तज्ञ तसेच कर्मचारी उपस्थित होते. एपिलेप्सी रुग्ण अमित मिरानी (३६) आणि पार्किन्सन रुग्ण अरुणा मोदी (८३) यांनी त्यांच्या आजारावर केलेली मात आणि त्यादरम्यानचा प्रवास याबाबत प्रेरणादायी मार्गदर्शन केले.
भारतामध्ये एपिलेप्सी आणि पार्किन्सन्स आजाराने ग्रस्त रुग्णांची संख्या दिवसेंदिवस वाढत आहे. अनेक रुग्णांना एपिलेप्सी आणि पार्किन्सन्ससाठी योग्य उपचार मिळु शकत नाहीत. वैद्यकीय प्रगतीमुळे, या दोन दुर्बल समस्या आणि त्यांच्याशी निगडीत कॉमोरबिडीटीचे व्यवस्थापन करणे आता शक्य झाले आहे. वोक्हार्ट हॉस्पिटल्स, मिरारोडने एपिलेप्सी आणि पार्किन्सन्सच्या रूग्णांसाठी सर्वसमावेशक क्लिनीक सुरू करून एक मोठे पाऊल उचलले आहे जे नक्कीच रुग्णांकरिता फायदेशीर ठरत आहे.
डॉ. पवन पै म्हणाले, पार्किन्सन्स रोग ही एक न्यूरोडीजनरेटिव्ह स्थिती आहे ज्यामुळे मेंदूच्या पेशींमध्ये डोपामाइनची कमतरता उद्भवते. देशात पार्किन्सन्स आजाराचे प्रमाण वाढत आहे. अपस्माराच्या रूग्णांप्रमाणे, पार्किन्सन रोग असलेल्यांना देखील पुरेशी काळजी घेणे आवश्यक आहे. सुरुवातीला पार्किन्सन्सच्या रुग्णांना औषधोपचाराने बरे वाटते.
या क्लिनिकमध्ये बोटॉक्स थेरपी देखील उपलब्ध केली जाणार आहे. जागतिक मेंदू दिनानिमित्त रूग्ण आणि सामान्य लोकांसाठी मानसिकदृष्ट्या सक्षम ठेवण्यासाठी, अधिक चांगल्या प्रकारे लक्ष केंद्रित करण्यासाठी हॉस्पिटलने इन-हाउस ब्रेन जिम आणली आहे. अत्याधुनिक तंत्रज्ञान, तज्ज्ञ डॉक्टर्स आणि उच्च प्रशिक्षित तंत्रज्ञांसह या क्लिनिकची सुरूवात पार्किन्सन्स आणि एपिलेप्सी असलेल्या रुग्णांना उत्तम दर्जाच्या उपचारांची हमी देते.
डॉ. दिपेश पिंपळे सांगतात अपस्मार हा एक न्यूरोलॉजिकल डिसऑर्डर आहे आणि ती एक मानसिक समस्या म्हणून ओळखली जाते. या स्थितीशी एक सामाजिक कलंक जोडलेला आहे ज्यामुळे त्वरित वैद्यकीय लक्ष मिळणे कठीण होऊ शकते. या क्लिनिकद्वारे एपिलेप्सी आणि पार्किन्सन्स रोगाविषयी अधिक जागरूकता पसरवणे हे आमचे ध्येय आहे कारण हे रुग्ण अधिक चांगल्या जीवनासाठी पात्र आहेत.
अपस्मार कोणालाही आणि कधीही होऊ शकतो. एपिलेप्सी असलेल्यांसाठी वेळेवर निदान आणि उपचार महत्त्वाचे आहेत. आमच्या क्लिनिकमध्ये न्यूरोलॉजिस्ट, न्यूरोसर्जन, न्यूरो रिहॅब तज्ञ, न्यूरो-टेक्निशियन आणि स्टाफ नर्स यांची टीम सेवेसाठी उपलब्ध करुन देण्यात आली आहे.
